យប់នេះ អ៊ីស្លង់ត្រលប់ជួបបារាំងនៅប៉ារីស ខណៈអង់គ្លេសប៉ះម៉ុងតេណេក្រូ ឯព័រទុយហ្គាល់ជួបស៊ែប

2019-03-25 12:54:57
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្នុងរាត្រីនេះ ការប្រកួតវគ្គជម្រុះ Euro 2020 បានបន្ត ដោយមានចំនួន ៧គូ ដែលក្នុងនោះមានក្រុមខ្លាំងៗចំនួន ៣ ក៏លេងក្នុងយប់នេះដែរ។

ក្នុងពូល A ក្រុមម៉ុងតេណេក្រូនឹងបើកទ្វារកីឡដ្ឋានជាតិរបស់ខ្លួនស្វាគមន៍ក្រុមជម្រើសជាតិអង់គ្លេស នៅម៉ោង ២.៤៥យប់។ ក្នុង ៣ប្រកួតចុងក្រោយអង់គ្លេសរកបាន ១០គ្រាប់ ម៉ុងតេណេក្រូរកបានតែ ២គ្រាប់ប៉ុណ្ណោះ។

ពូល B វិញ ជើងឯក Euro ឆ្នាំ២០១៦ ព័រទុយហ្គាល់នឹងបើកទ្វារទទួលប្រទេសស៊ែប នៅម៉ោង ២.៤៥យប់នេះ។ ក្រុមទាំងពីរនេះ មិនទាន់ស្គាល់រសជាតិចាញ់ទេក្នុង ៧ប្រកួតចុងក្រោយរបស់ពួកគេ។

រីឯពូល H វិញ អ៊ីស្លង់នឹងត្រលប់មកជួប ជើងឯកព្រឹត្តិការណ៍បាល់ទាត់ពិភពលោកឆ្នាំ២០១៨ បារាំងនៅទីក្រុងប៉ារីសម្ដងទៀតហើយ បន្ទាប់ពីស្មើក្នុងលទ្ធផល ២ ទល់នឹង ២ កាលពីប្រកួតមិត្តភាព ខែតុលា ឆ្នាំ២០១៨។ ប៉ុន្តែប្រកួតផ្លូវការ ដែលប្រទេសទាំងពីរប៉ះគ្នាគឺ ក្នុងវគ្គ ៨ក្រុមចុងក្រោយក្នុងព្រឹត្តិការណ៍ Euro 2016 ក្នុងប្រទេសបារាំង ដោយកាលនោះ ក្រុមម្ចាស់ផ្ទះបានលត់អ៊ីស្លង់ ៥ ទល់នឹង ២៕