ខុន សម្ផស្ស ទីផ្សារកាន់តែខ្លាំងក្រោយចូលក្រុម Sun Super Model

2014-11-25 21:58:59
ចំនួនមតិ 0 | ចំនួនចែករំលែក 0

ចន្លោះមិនឃើញ

កញ្ញា ខុន សម្ផស្ស មានទីផ្សារសម្ដែងកាន់តែខ្ពស់ បន្ទាប់ពីចុះកុងត្រាចូលក្រុមតារាបង្ហាញម៉ូដ Sun Super Model។ ការចុះកុងត្រាឱ្យក្រុមតារាបង្ហាញម៉ូដនេះ និង មានទីផ្សារសម្ដែងខ្ពស់ បន្ទាប់ពីកញ្ញា ក្លាយជា ជយលាភីកម្មវិធី Face Of Hiruscar 2014 កាលពីពេលកន្លងទៅ។ តារាសម្ដែង កញ្ញា ខុន សម្ផស្ស និយាយថា៖"ខាង Sun គាត់បានផ្ដល់ការងារឱ្យច្រើន ហើយណាមួយក៏មានគេខាងក្រៅទាក់ទងឱ្យសម្ដែងច្រើនដែរក្រោយចូលក្រុមតារាបង្ហាញម៉ូដមួយនេះ"។

កញ្ញា ខុន សម្ផស្ស ក្នុងកម្មវិធីទទួលជយលាភីកាលពីពេលកន្លងទៅ

កញ្ញាបន្តចាប់ពីខែ ធ្នូ ខាងមុខនេះតទៅសកម្មភាពរបស់ខ្លួនជាមួយនឹងការងារសិល្បៈកាន់តែមមាញឹកថែមទៀត ដោយខាងក្រុម Sun Super Model នឹងមានសកម្មភាព ក្នុងពិធីបុណ្យ សមុទ្រនៅ ខេត្ត កោះកុង ការដើរម៉ូដនៅភ្នំបូកគោជាដើម។

តារាសម្ដែងវ័យក្មេងរូបនេះបានបង្ហាញអារម្មណ៍រំភើបសប្បាយរីករាយជាខ្លាំង បន្ទាប់ពីទីផ្សារសម្ដែងមានការមមាញឹកខ្លាំងក្រោយឈានជើងមកកាន់ក្រុម Sun Super Model។

ទាក់ទងនឹងបញ្ហានេះដែរអ្នកចាត់ការទូទៅក្រុមតារាបង្ហាញម៉ូដ Sun Super Model លោក ម៉ែន និមលរ័ត្ន ទទួលស្គាល់ថា ខាងក្រុមរបស់ពិតជាបានផ្ដល់ការងារច្រើនពិតមែនជូនកញ្ញា ខុន សម្ផស្ស។ ការទទួលបានការងារច្រើន ព្រោះតារាស្រីខាងលើមានសមត្ថភាពខ្ពស់ បូករួមនឹងសម្ផស្សស្រស់ស្អាត។

លោក ម៉ែន និមលរ័ត្ន បញ្ជាក់ថា៖ "សមត្ថភាពគាត់ខ្លាំង សម្ផស្សស្រស់ស្អាត ដូច្នេះគ្មានរឿងដែលគាត់មិនអាចទទួលការងារច្រើនបានទេ។ យើងនឹងផ្ដល់ការងារច្រើនបន្ថែមទៀតជូនគាត់នាពេលខាងមុខ"។

លោក ម៉ែន និមលរ័ត្ន និងកញ្ញា ខុន សម្ផស្ស ក្នុងពិធីចុះកុងត្រាចូលក្រុម Sun Super Model

អ្នកចាត់ការទូទៅរូបនេះបន្តថា ខាងក្រុមរបស់លោកត្រៀមនឹងបញ្ជូនកញ្ញា ខុន សម្ផស្ស ទៅប្រកួតប្រជែងលើឆាកអន្តរជាតិនៅក្នុងឆ្នាំ២០១៥។ ទោះយ៉ាងណាក៏ដោយលោកបានឱ្យដឹងថា តារាស្រីខាងលើនៅខ្វះចំណេះដឹងផ្នែកភាសា អង់គ្លេស និងរបាំ។

ក្រោយពីពង្រឹងផ្នែកទាំងពីរនេះបានហើយក្រុម Sun Super Model នឹងបញ្ជូនកញ្ញា ខុន សម្ផស្ស ទៅប្រកួតប្រជែងនៅឆាកអន្តរជាតិ។

កញ្ញា ខុន សម្ផស្ស ជាជយលាភីតារាបង្ហាញម៉ូដកម្មវិធី Face Of Hiruscar 2014 កាលពីពេលកន្លងទៅជាមួយលោក នួន សុខចំរើន ។ មុនក្លាយជាជយលាភី ក៏ដូចជាចុះក្រុមត្រានឹងក្រុម Sun Super Model កញ្ញា ធ្លាប់សម្ដែងខ្សែភាពយន្តជាច្រើនដូចជា ដីបំនាស់ថ្មី គំនុំអតីតជាតិ និងរឿង ទឹកចិត្តប្រពន្ធជាដើម៕

អានអត្ថបទបន្ត៖ បុរី និង ខុនដូ តារាខ្មែរចូលចិត្តទិញស្នាក់នៅបំផុត!

អានអត្ថបទបន្ត៖ Meryl Streep គឺជាអ្នកឈ្នះពានមេដាយសេរីភាពជាន់ខ្ពស់ពី

អានអត្ថបទបន្ត៖ គំនូរជីវចលទាំង៥នេះ មួយណាអ្នកចូលចិត្តមើលជាងគេ?

អត្ថបទ៖ អ៊ីង សុឡា