Gareth Southgate ៖ ខ្ញុំនឹងក្លាយជាប្រធានបទរបស់អ្នកគាំទ្រអង់គ្លេស
- 2024-06-25 23:53:26
- ចំនួនមតិ 0 | ចំនួនចែករំលែក 0
Gareth Southgate ៖ ខ្ញុំនឹងក្លាយជាប្រធានបទរបស់អ្នកគាំទ្រអង់គ្លេស
ចន្លោះមិនឃើញ
លោក Gareth Southgate គ្រូបង្វឹករបស់ក្រុមជម្រើសជាតិអង់គ្លេសមើលឃើញថា អ្នកគាំទ្រពិតជាមិនពេញចិត្តសម្រាប់ទម្រង់លេងរបស់អង់គ្លេសនាពេលនេះឡើយ ហើយនិយាយរិះគន់មកកាន់ក្រុមជម្រើសជាតិអង់គ្លេស ប៉ុន្តែលោកមិនចង់ឲ្យអ្នកគាំទ្រនិយាយដំណៅទៅកាន់កីឡាកររបស់លោកទេ លោកពេញចិត្តឲ្យអ្នកគាំទ្រនិយាយពីលោកវិញ។
អង់គ្លេសបានឡើងទៅកាន់វគ្គ១៦ក្រុមចុងក្រោយហើយ នៃពានរង្វាន់ EURO 2024ជាមួយលទ្ធផល៣ប្រកួតក្នុងពូលស្មើក្រុម ស្លូវើនៀ០-០ ស្មើ ដាណឺម៉ាក ១-១ និងឈ្នះ ស៊ែប ១-០។ ដ្បិតថាពួកគេបានឡើងទៅកាន់វគ្គបន្តមែន ប៉ុន្តែអ្នកចាត់ការម្នាក់នេះហាក់ដឹងថា អ្នកគាំទ្រមិនសប្បាយចិត្តជាមួយទម្រង់លេង និងការសម្រេចចិត្តដាក់កីឡាករឲ្យលេងលើទីលានជាដើម។
ជាក់ស្ដែងក្រោយប្រកួតចប់លោកបាននិយាយទៅកាន់អ្នកកាសែតថា លោកចង់ឲ្យអ្នកគាំទ្រនិយាយអ្វីគឺសំដៅមកកាន់លោកវិញ ជាជាងនិយាយអំពីកីឡាកររបស់លោក ហើយលោក នឹងមិនទៅណាឆ្ងាយពីប្រធានបទនេះឡើយ បើទោះជាលោកបច្ចុប្បន្នកំពុងតែឈ្នះការប្រកួត និងបានឡើងទៅកាន់វគ្គបន្ទាប់ក៏ដោយ។ និយាយរួមលោកនៅតែជាប្រធានបទរបស់អ្នកគាំទ្រ ដែលមកទាំងព្រមតែម្ដងមានទាំងពាក្យរិះគន់ និងពាក្យសរសើរ៕