គេទម្លាយថា ក្លិបរាត្រី ជាកន្លែងយុវតីងាយធ្លាក់ក្នុងរឿងផ្លូវភេទ

2014-12-29 17:24:53
ចំនួនមតិ 0 | ចំនួនចែករំលែក 0

ចន្លោះមិនឃើញ

យុវជនមួយរួបទម្លាយថា ក្លិបរាត្រី ជាកន្លែងដែលយុវវ័យនិយមទៅដើម្បីអូសក្រឡាមិត្តស្រីរបស់ខ្លួន ហើយថាយុវតីងាយណាស់នឹងបាត់បង់ខ្លួនប្រាណបើប្រហែស។

«ឲ្យតែទៅ ដឹងតែដាក់ស្រាហើយ តិចច្រើនមិនដឹងទេ។ អីចឹងស្រវឹងស្រៀងៗ យប់ជ្រៅផងទៅផ្ទះម៉េចកើត? អាហ្នឹងស្តាយ៍គេ អាយប់ជ្រៅពិបាកចូលផ្ទះហ្នឹង។ អត់ចូលផ្ទះ អីចឹងទៅណាយើងគិតមើល?»។ នេះជាការបង្ហើបរបស់យុវជន បូរ៉ា។

បូរ៉ា ថាពួកម៉ាកខ្លួនជាឧទាហរណ៍ ពេលស្គាល់នារីថ្មីៗ តែងតែនាំទៅសប្បាយនៅ ក្លិប។ ហើយពេលយប់គឺ ក្លិបឌីស្កូហ្នឹងឯង ដែលអាចឲ្យគេមានពេលយូរបង្កើតមនោសញ្ចេតនាស្រើបស្រាល ផ្សំនឹងជាតិស្រាក្នុងពោះ ភ្លើងពណ៌ឆ្វេចឆ្វាចទៀត កាន់តែផ្ដល់ភាពស្និទ្ធបានលឿន។ បូរ៉ា ថារាល់ថ្ងៃនេះនារីដាច់យប់តាមក្លិប ភាគច្រើនជាអ្នកឆើតឆាយ ពូកកែដើរហើរ តែអ្នកត្រឹមត្រូវក៏គង់មានថ្ងៃ បើហ៊ានតែឲ្យសង្សារឬមនុស្សប្រុសស្គាល់ អូសក្រឡានាំទៅញឹកដង។

ប៉ុន្តែកញ្ញា វ៉ាង មុន្នី វិញបែរជាច្រានចោលថា គ្រាន់តែចូលក្លិបរាំរែកលេង ទោះជាមួយសង្សារក៏ដោយ ក៏មិនងាយស្រួលធ្វើឲ្យលង់អស់ខ្លួនប្រាណដែរ បើយុវតីមានចារិតត្រឹមត្រូវ ចេះគ្រប់គ្រងស្ថានការណ៍។ កញ្ញា បន្ថែមថា៖ «អាហ្នឹងស៊ីសងលើគាត់ដែរ។ បើយើងអត់ពូកែស្រា ហើយទៅឲ្យគេច្រក អាហ្នឹងវាអីចឹងហើយ ព្រោះប្រុសៗគេពូកែណាស់។ ខូចមិនខូច មិនមែនថាដោយសារកន្លែងណាទៅទេ តែសំខាន់លើយើង អ្វីយើងធ្វើវាត្រូវច្រើនជាង»។

តម្លៃសេវាផ្លូវភេទគ្រប់លំដាប់ត្រូវបានទម្លាយ

ចុះប្រិយមិត្តវិញយល់យ៉ាងណា ដែលមានការលើកឡើងថា យុវតី ងាយនឹងអស់ខ្លួនប្រាណបើមានៈចូលក្លិបរាត្រីតាមសង្សារ កណ្ដាលៗអាធ្រាត្រញយដង?

អស់ស្ទះ! កូនកំលោះក្រមុំខ្មែរ១គូនេះរាំដូចឆាក K-pop ល្បីផ្អើល http://youtu.be/D9zVGNirt94

ស្ដាប់បងប្រុសៗទម្លាយរឿងព្រាននារីល្បួងយកខ្លួនប្រាណ

ប្លុកខារ៉ាអូខេថ្មីមហាធំនៅភ្នំពេញប្លែកភ្នែកបើមិនធ្លាប់ទៅដល់ អត្ថបទ៖ ប៉ែន សុផាន់ណា