កែវ សុខង៉ន, ទុំ សារ៉ាយ និង សុខ រិទ្ធី អាចដើរចូលលើទីលានវិញបាននៅពេលណា?
- 2014-10-03 18:05:32
- ចំនួនមតិ 0 | ចំនួនចែករំលែក 0
កែវ សុខង៉ន, ទុំ សារ៉ាយ និង សុខ រិទ្ធី អាចដើរចូលលើទីលានវិញបាននៅពេលណា?
ចន្លោះមិនឃើញ
លោក សៅ សុខា ប្រធានសហព័ន្ធកីឡាបាល់ទាត់កម្ពុជា ដែលបានចេញសេចក្ដីសម្រេចមិនឲ្យកីឡាករ ៣ នាក់រួមមាន កែវ សុខង៉ន, ទុំ សារ៉ាយ និង សុខ រិទ្ធី ចូលរួមពាក់ព័ន្ធនឹងសកម្មភាពកីឡាបាល់ទាត់ជាតិ រយៈពេល ៦ ខែ និង សកម្មភាពកីឡាបាល់ទាត់ជាអន្តរជាតិចំនួន ១២ ខែ គិតចាប់ពីថ្ងៃទី ១៣ ឧសភា ឆ្នាំ ២០១៤ កន្លងទៅនោះ ឥឡូវជិតផុតកំណត់ទៅហើយ។
កីឡាករ សុខ រិទ្ធី, ទុំ សារ៉ាយ និង កែវ សុង៉ន
គិតត្រឹមពេលនេះ គ្រប់ស្រទាប់មហាជននៅមិនទាន់ដឹងច្បាស់ទេថា តើកីឡាករទាំង៣ នាក់ប្រព្រឹត្តិកំហុសអ្វីទើបរងពិន័យបែបនេះ។ ប៉ុន្តែបើយោងតាមលិខិតលេខ ២១៨/១៤ សសរ/ស.ប.ក ជាសេចក្ដីសម្រេចរបស់សហព័ន្ធកីឡាបាល់ទាត់កម្ពុជា បានផ្អែកទៅលើ កំណត់ហេតុប្រជុំ និង លទ្ធផលនៃការស៊ើបអង្កេតរបស់គណៈកម្មាធិការស៊ើបអង្កេត និង ដោះស្រាយបញ្ហាមិនប្រក្រតីក្នុងក្រុមជម្រើសជាតិ តែប៉ុណ្ណោះ។
គិតពីថ្ងៃទី ១៣ ខែ ឧសភា មកកីឡាករទាំង ៣ នាក់ខាងលើនឹងអាចចូលទីលាន ឬ អាចធ្វើសកម្មភាពនានាជុំវិញបាល់ទាត់ជាតិវិញបាននៅថ្ងៃទី ១៣ ខែ វិច្ឆិកា ឆ្នាំ ២០១៤ ខាងមុខ ហើយនៅថ្ងៃទី ១៣ ខែ ឧសភា ឆ្នាំ ២០១៥ ទើបអាចចូលរួមពាក់ព័ន្ធនឹងសកម្មភាពបាល់ទាត់ជាអន្តរជាតិបាន។
បើតាមមន្រ្តីពីសហព័ន្ធកីឡាបាល់ទាត់កម្ពុជា លីករដូវកាលថ្មីទំនងជានឹងចាប់ផ្ដើមនៅខែ មីនា ខាងមុខ។ ចំណែកពានរង្វាន់ Hun Sen Cup 2015 ចាប់ផ្ដើមនៅខែ មករា វិញ។ ដូច្នេះកីឡាករទាំង ៣ នាក់អាចបង្ហាញខ្លួនវិញនៅរដូវកាលក្រោយបានទាន់ពេល៕
អត្ថបទពាក់ព័ន្ធ៖ សៅ សុខា តែងតាំង ជួន ណារិន្ទ ដឹកនាំជម្រើសជាតិទៅ Suzuki Cup 2014 ខ្លាចមានបញ្ហាមិនប្រក្រតីកើតឡើងទៀត
អត្ថបទ៖ ម៉ឺន រស្មី
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
