កូនប្រុស នាយ ឆើត៖ "ខ្ញុំសុខចិត្តក្រ ប៉ុន្តែ មិនឱ្យប្រុសដូចគ្នាចិញ្ចឹមទេ"

2015-02-10 21:26:10
ចំនួនមតិ 0 | ចំនួនចែករំលែក 0

ចន្លោះមិនឃើញ

កូនប្រុសនាយ ឆើត គីសាន់ រ៉ៃយ៉ា បាននិយាយថា នៅក្នុងរយៈពេលជិត ១០ ឆ្នាំមកនេះ តែងទទួលបានសំណើសុំឧបត្ថម្ភពីអ្នកមានទ្រព្យស្ដុកស្ដម្ភ ជាច្រើននាក់មកហើយ ប៉ុន្តែ លោកមិនព្រមទទួលនោះទេ ហើយសុខចិត្តរស់នៅក្នុងជីវភាពលំបាកយ៉ាប់យ៉ឺនដដែល។ នេះជាការអះអាងរបស់ នាយ ឆើត គីសាន់រ៉ៃយ៉ា ដែលត្រូវជាកូនប្រុស នាយឆើត។

នាយ ឆើត មកលើកទឹកចិត្តកូនប្រុស ពេលឡើងកម្មវិធីទូរទស្សន៍មួយ

តារារូបនេះនិយាយថា៖ "ខ្ញុំសុខចិត្តក្រ តែមិនទទួលយកការចិញ្ចឹមពីប្រុសដូចគ្នាទេ ពូកគេចរិតចេញមកចេកៗមិចមិនដឹង?"។ តារារូបនោះបន្តថា មានបុរសជាអ្នកមានខ្លះបានស្គាល់តាមរយៈអ្នកសិល្បៈដូចគ្នា ហើយសន្យាថា ផ្តល់លុយកាក់ទៀតផង ប្រសិនបើព្រមទៅណាមកណាជាមួយគាត់ តាមការណាត់ ឬទៅតាមខេត្តជាមួយជាដើម។

ទោះបីជាយ៉ាងណា តារាប្រុសមាឌមាំដំបងខាងលើអះអាងថា រូបគេមិនបានទទួលនោះទេ ព្រោះជាប្រុសពេញលក្ខណៈ និង មិនចូលចិត្តរូបភាពបែបនេះ ដោយសុខចិត្តបន្តអាជីពសិល្បៈតាមលទ្ធភាព។ ជួនកាលរួបគេត្រូវទៅសម្ដែងដោយសារឡានជាមួយអ្នករួមអាជីព ហើយពេលខ្លះទៀត ត្រូវជិះម៉ូតូកង់៣ខ្លួនឯង។

"ប្រសិនបើស្រីៗចង់ចិញ្ចឹមមិនអីទេ ខ្ញុំអាចពិចារណាសិនដែរ តែនេះសុទ្ធតែប្រុសដូចគ្នា ស្លាប់ទៀតក៏ទៅមិនរួចដែរ ចាយលុយខ្លួនឯងល្អជាង ទោះបីតិចតួចក្ដី"។ លោកបញ្ជាក់បែបលេងសើចដូច្នេះ។

ឈុតមួយនៅក្នុងរឿង

ទោះបីជាយ៉ាងណាតារារូបនេះបន្តថា លោកក៏ចូលរួមសប្បាយរីករាយដែរ នៅពេលឃើញមិត្តរួមអាជីពមួយចំនួន មានអ្នកជួយឧបត្ថម្ភគាំទ្រដូច្នេះ ព្រោះឃើញស្ថានភាពជីវភាពរបស់ពូកគេចាប់ផ្ដើមធូរធារ មានផ្ទះនៅ មានរថយន្តទំនើបជិះបង្អួតគ្នា។ ក្នុងនាមជាបុរសពេញលក្ខណៈម្នាក់ គីសាន់ រ៉ៃយ៉ាង អះអាងថា អាចរែកពន់គ្រប់ការងារបានតាមលទ្ធភាពជាក់ស្ដែង៕

អានអត្ថបទ៖ កូននាយ ឆើត គីសាន់ រ៉ៃយ៉ា សម្ដែងផង រត់រ៉ឺម៉កកង់៣ផង

អានអត្ថបទ៖ កម្មវិធីសមោសរនិទាឃៈរដូវដ៏អស្ចារ្យមិនធ្លាប់មាន ត្រៀមធ្វើយប់នេះ!

អត្ថបទ៖ សំ ជំនាញ