តួឯកប្រុស "Twilight” និងមិត្តស្រី កំពុងស្វែងរកឈ្មោះឱ្យអនាគតកូន

2015-03-10 22:13:08
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រោយមានទំនាក់ទំនងស្នេហា ជាមួយមិត្តស្រីថ្មីឈ្មោះ FKA twigs តួឯកប្រុសរឿង " Twilight” Robert Pattinson គ្រោងរៀបចំផែនការបន្ទាប់សម្រាប់ជីវិត ហើយបច្ចុប្បន្នអ្នកទាំងពីរ កំពុងស្វែងរកឈ្មោះដាក់ឱ្យ អនាគតកូនរបស់ពួកគេ បណ្ដើរៗហើយ។

ប្រភពពី HollywoodLife ឱ្យដឹងថា តារាសម្ដែងវ័យ ២៨ឆ្នាំ Robert និង តារាចម្រៀងវ័យ ២៧ឆ្នាំ សញ្ជាតិអង់គ្លេស FKA កំពុងលេងល្បែងស្វែងរកឈ្មោះកូនដែលនឹងកើតក្នុងពេលអនាគត។

ប្រភពខាងក្នុងមួយប្រាប់គេហទំព័រខាងលើថា Robert និងអ្នកនិពន្ធបទចម្រៀង FKA ដែលជាមិត្តស្រី តែងនិយាយគ្នាពីរឿងកូនៗគ្រប់ពេលវេលា។ អ្នកទាំងពីរចង់យកកូនឱ្យបានច្រើន ហើយនឹងធ្វើដំណើរជាមួយពួកគេដើម្បីបង្រៀនឱ្យយល់ដឹងពីពិភពលោក និងវប្បធម៌ប្រទេសផ្សេងៗ"។

មុននេះប្រភពខាងក្នុង បានរាយការណ៍ប្រាប់ HollywoodLife ថា Rob និង FKA បានសម្រេចចិត្តស្វែងរកចិញ្ចៀនបញ្ចាំចិត្ត ប៉ុន្តែ Rob រកមិនបានចិញ្ចៀនដែលខ្លួនពេញចិត្តទាល់តែសោះ ទើបផ្អាកវិញ។ ប្រភពបញ្ជាក់ថា "ពួកគេបានស្វែងរកទិញចិញ្ចៀនជាមួយគ្នា តាំងពីដើមឆ្នាំ២០១៥នេះ"។

Robert Pattinson បានទាក់ទង FKA Twigs អស់ជាច្រើនខែក្រោយ Rob បញ្ចប់ទំនាក់ទំនងស្នេហ៍ចាស់ជាមួយ Kristen Stewart ដែលលួចមានប្រុសលួចលាក់៕