នាយ ពាង ក្លាយជាតារាចម្រៀងក្នុងផលិតកម្ម កាលីប

2015-03-11 18:01:12
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាសម្ដែងបែបកំប្លែងនាយ ពាង បានបន្ថែមអាជីពជាអ្នកចម្រៀងមួយទៀត ដោយត្រៀមចេញចម្រៀងក្នុងផលិតកម្មថ្មី គឺផលិតកម្ម កាលីប នាពេលឆាប់ៗខាងមុខ។

គឹម ដាំរ៉ុង ហៅនាយ ពាង បានបង្ហាញអារម្មណ៍សប្បាយរីករាយជាខ្លាំងនៅពេលក្លាយជាអ្នកចម្រៀងលើកដំបូងដូចការប៉ងប្រាថ្នា។

"ដឹងតែសប្បាយចិត្តបងពេលក្លាយជាអ្នកចម្រៀងអ៊ីចឹង។ មិនដឹងយ៉ាងណាយ៉ាងណីទេ បងប្អូនកុំប្រកាន់ ហើយជួយគាំទ្រចម្រៀងថ្មីខ្ញុំផង"។

បទចម្រៀង "បងធាត់មិនមែនភ្លើ" របស់នាយ ពាង ត្រៀងចេញលក់ក្នុងពេលឆាប់ៗ

តារាតែងឆក់ឱកាសជាតួអង្គខ្មោច និងអាចារ្យនាយ ពាង បន្តថាលោកមានបទចម្រៀងពីរបទក្នុងផលិតកម្មខាងលើត្រៀមចេញលក់លើទីផ្សារសម្រាប់ឱកាសចូលឆ្នាំប្រពៃណីជាតិខាងមុខ។ បទចម្រៀងទាំងពីរបទនោះមានដូចជាបទ "បងធាត់មិនមែនភ្លឺ" និងបទ "អស់ហើយខ្ញុំ"។

តាមរយៈបទចម្រៀងទាំងពីរបទក្នុងផលិតកម្ម កាលីប នេះតារាវ័យ ៣២ឆ្នាំ គឹម ដាំរ៉ុង មិនទាន់ហ៊ានរំពឹងខ្ពស់ថាអាចស្រូបយកការគាំទ្របានច្រើនពីទស្សនិកជននៅឡើយទេ។ លោកថាការគាំទ្រយ៉ាងណាអាស្រ័យលើមហាជនជាអ្នកវាយតម្លៃ។

តារាសម្ដែងធ្វើឱ្យទស្សនិកជនស្គាល់ច្រើនតាមរយៈរឿង "អាបពាក់មួកសុវត្ថិភាព" បន្ថែមថា ក្រៅតែពីខ្លួនតារាកំប្លែង និងតារាចម្រៀងល្បីឈ្មោះដទៃទៀតក៏មានវត្តមានក្នុងផលិតកម្មថ្មីទើបនឹងបង្កើតខាងលើដែរដូចជា នាយ ក្រឹម ដួង សុខគា និង ខាត់ សុឃីម ជាដើម។

នាយ ពាង ឈានចាប់អាជីពជាអ្នកសិល្បៈក្នុងឆ្នាំ២០០០៤។ លោកជាតារាសម្ដែងមានទីផ្សារម្នាក់ក្នុងចំណោមតារាកំប្លែងនានា ជាពិសេសការឆក់ឱកាសក្នុងវិស័យភាពយន្ត ដោយគិតមកទល់ពេលនេះលោកលោកសម្ដែងខ្សែភាពយន្ត មិនក្រោម១០០រឿងទេ។

ការបោះជំហានទៅកាន់វិស័យចម្រៀង គឹម ដាំរ៉ុង ហៅនាយ ពាង និយាយថា៖"ចម្រៀងគឺជាអ្វីដែលខ្ញុំចូលចិត្ត និងប៉ងពីមុនមក។ ទោះជាមិនអាចដល់កម្រិតដូចតារាមួយចំនួនក្ដី ខ្ញុំនឹងប្រឹងឱ្យអស់ពីលទ្ធភាព ហើយក៏សុំអធ្យាស្រ័យពីបងប្អូនដែរ ប្រសិនបើមានការខ្វះខាត"៕

អានអត្ថបទបន្ត៖ មង្គលការសេដ្ឋីខ្មែរ គិត ម៉េង អ្នកកំដរសុទ្ធតែឧកញ៉ា-ជំទាវ-ឈុតកូនក្រមុំ១៤ម៉ូដ ថ្មីទាំងអស់

អានអត្ថបទបន្ត៖ ស្ងាត់ៗ…ឡូរ៉ា ម៉ម ក្លាយជាស្រីស្អាតប្រចាំកម្មវិធី “អង្គរសង្ក្រាន្ត

អានអត្ថបទបន្ត៖ ពេជ្រ អាវីហ្សា ប្ដូរទាំងសង្សារប្ដូរទាំងឡាន អត្ថបទ៖ អ៊ីង សុឡា

រូបថត៖ Facebook នាយ ពាង