តាចាស់រៀបការមិត្តស្រីជាសិស្សវិទ្យាល័យវ័យ១៨ឆ្នាំ តែមិនអញ្ជើញប៉ាក្មេក

2015-06-13 17:31:19
ចំនួនមតិ 0 | ចំនួនចែករំលែក 0

ចន្លោះមិនឃើញ

បុរសវ័យ៥៨ឆ្នាំ Li Kuncheng ធ្វើឱ្យមានការចាប់អារម្មណ៍យ៉ាងខ្លាំងនៅតៃប៉ិ ព្រោះតែដំណឹងថា កវីនិពន្ធរូបនេះ នឹងរៀបការជាមួយសិស្ស វិទ្យាល័យមួយរូប ដែលអាយុទើប១៨ឆ្នាំ នៅឆ្នាំក្រោយ និងដំណឹងមួយទៀតគឺថា លោកនឹងមិនអញ្ជើញ អនាគតឪពុកក្មេកឱ្យចូលរួមឡើយ។

បុរសតៃវ៉ាន់ Li បានទាក់ទងជាមួយក្មេងស្រី Lin Jing-en អស់រយៈពេល២ឆ្នាំមកហើយ នេះបើតាមការឱ្យដឹងរបស់គេហទំព័រ Asianpopnews។

កាលពីថ្ងៃព្រហស្បតិ៍ Li ប្រកាសទាំងបើកចំហទៅកាន់អ្នកសារព័ត៌មានថា លោកនឹងរៀបការជាមួយមិត្តស្រីវ័យក្មេងរបស់ខ្លួន នៅខែវិច្ឆិកា ឆ្នាំ២០១៦ ជាពេលដែលនាង Jing-en គ្រប់អាយុ២០ឆ្នាំ។ ក្រោយរៀបអាពាហ៍ពិពាហ៍ ពួកគេនឹងទៅក្រេបទឹកឃ្មុំនៅជប៉ុន ដើម្បីបំពេញតាមចំណូលចិត្ត ចំពោះវប្បធម៌ជប៉ុនរបស់អនាគតភរិយា។

កវីនិពន្ធកូនមួយរូបនេះ (កូនប្រុសប្រពន្ធមុន) បញ្ជាក់ថា លោកប្រាថ្នាចង់បានកូនស្រីម្នាក់ បន្ទាប់ពីរៀបការ។ ទោះបីជាយ៉ាងណា Li បន្ថែមថា ឧបសគ្គធំរបស់លោកគឺ ឪពុក Jing-en ដែលពីមុនជាមិត្តល្អរបស់លោក។

ឪពុករបស់ Jing-en តែងជំទាស់ និងមិនឱ្យពួកគេជួបគ្នា រហូតដល់ថ្នាក់ប្ដឹងផ្ដល់ទៅតុលាការទៀតផង ប៉ុន្តែលោក Li ជាអ្នកឈ្នះក្ដី។ ទោះមានរឿងបែបនេះក្ដី ក្រោយមកទំនាក់ទំនងរបស់អ្នកទាំងពីរ ត្រូវបានអនុញ្ញាត ដោយឪពុកខាងស្រីវិញ៕

ម៉ូដែលបងប្អូនភ្លោះ៣ សង្ហាទាំង៣ ល្បីទាំងនៅអាស៊ី និងហូលីវូដ

ប្រែសម្រួល៖ អ៊ុំ សុភក្តិ ប្រភព៖ Asianpopnews