ម៉ូតូប្លែកៗច្រើនម៉ូដច្រើនម៉ាក តែមានការហៅខុសៗគ្នា

2014-10-16 16:17:22
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅលើដងផ្លូវនានា ម៉ូតូជាច្រើនប្រភេទត្រូវបានពលរដ្ឋជិះធ្វើដំណើរជារៀងរាល់ថ្ងៃ។ ដោយសារក្នុងចំណោមម៉ូតូទាំងនោះ មានការរចនារូបរាងនិងប្រើប្រព័ន្ធបច្ចេកទេសមិនដូចគ្នា ទើបមានការបែងចែកខុសៗគ្នា។

បុគ្គលិកទីផ្សារនៅក្រុមហ៊ុននាំចូលម៉ូតូមួយបានឲ្យដឹងថា ជាទូទៅនៅកម្ពុជា លោកសង្កេតឃើញមានម៉ូតូចំនួន ៣ ប្រភេទ ត្រូវបានពលរដ្ឋប្រើប្រាស់ជារៀងរាល់ថ្ងៃ។ ក្នុងនោះមានប្រភេទម៉ូតូធំជាប្រភេទម៉ូតូដែលមានកម្លាំងខ្លាំងចាប់ពី ១៥០ សេសេ, ប្រភេទម៉ូតូប្រើចង្កឹះលេខ និងប្រភេទម៉ូតូ Scooter ឬគេស្គាល់ថាម៉ូតូអូតូ។

លោកបន្តថា ក្នុងចំណោមម៉ូតូទាំង ៣ ប្រភេទនោះ ម៉ូតូដែលប្រើចង្កឹះលេខ ជាប្រភេទម៉ូតូដែលមានទីផ្សារប្រើប្រាស់មុនគេ និងបរិមាណក៏ច្រើនជាងគេដែរ។ រីឯប្រភេទម៉ូតូ Scooter ឬអូតូទើបតែលេចមុខប៉ុន្មានឆ្នាំចុងក្រោយនេះប៉ុណ្ណោះ ប៉ុន្តែមានសក្ដានុពលខ្ពស់លើទីផ្សារជាពិសេសក្នុងចំណោមក្រុមយុវវ័យ។

ចំណែកម៉ូតូដែលកំពុងប្រជាប្រិយភាពនិងគាំទ្រយ៉ាងខ្លាំងដែរនោះគឺប្រភេទម៉ូតូធំដែលមានកម្លាំងម៉ាស៊ីនខ្លាំង ដែលយុវវ័យសម័យថ្មីចាប់អារម្មណ៍ និងទិញជិះជាហូរហែ។ រូបរាងដ៏លេចធ្លោ និងដែលអាចបង្ហាញភាពឡូយឆាយក្នុងពេលជិះធ្វើដំណើរ ធ្វើឲ្យប្រភេទម៉ូតូធំទទួលការគាំទ្រ និងមានការទិញជិះតៗគ្នា បើទោះបីតម្លៃថ្លៃជាងប្រភេទម៉ូតូដទៃ ទៀតក៏ដោយ។ ចុះមិត្តយល់ឃើញបែបណាដែរ ហើយពេញនិយមប្រភេទមួយណាដែរជួយប្រាប់ផង។

បន្តអាន៖ ដឹងថាម្ចាស់មេដាយមាស ស៊ន សៀវម៉ី ប្រើទូរសព្ទម៉ាកអីខ្លះ?

បន្តអាន៖ បង្កើត Apple ID តាម iPhone មិនបាច់ប្រើ Credit Card ក៏បានដែរ

បន្តអាន៖ N-Gage ទូរសព្ទល្បីជំនាន់ឆ្នាំ ២០០៤ លេចមុខជាថ្មីនាំឲ្យសង្ស័យទីផ្សារប្រើប្រាស់

អត្ថបទ៖ ប៊ុណ្ណារ៉ា