តារាចម្រៀងល្បីរូបណាមានប្រៀបជាងគេនៅ American Music Awards 2014?

2014-10-16 16:25:58
ចំនួនមតិ 0 | ចំនួនចែករំលែក 0

ចន្លោះមិនឃើញ

កម្មវិធីពានរង្វាន់តន្ត្រីអាមេរិកដ៏ធំប្រចាំឆ្នាំ American Music Awards បានបង្ហាញបញ្ជីបេក្ខភាពតារាចម្រៀងដែលឈរឈ្មោះដណ្ដើមពានរង្វាន់ហើយ ដែលក្នុងនោះតារាចម្រៀងដែលមានឈ្មោះដណ្ដើមពានរង្វាន់ច្រើនផ្នែកជាងគេគឺ តារាចម្រៀងម្ចាស់បទ “Fancy” Iggy Azalea។

ក្នុងបញ្ជីបេក្ខភាពពានរង្វាន់ជាង ២០ផ្នែក តារាចម្រៀង Iggy Azalea បាននាំមុខគេដោយអាចមានឈ្មោះដណ្ដើមយកពានដល់ទៅ ៦ផ្នែក រួមមានពានរង្វាន់ធំៗដូចជា "សិល្បករប្រចាំឆ្នាំ", “សិល្បករថ្មីប្រចាំឆ្នាំ", និង "បទចម្រៀងប្រចាំឆ្នាំ"សម្រាប់បទ “Fancy”។ នេះមិនមែនជារឿងធម្មតាឡើយ សម្រាប់តារាចម្រៀងដែលមិនធ្លាប់មានឈ្មោះក្នុងបញ្ជីនេះសោះ ដូចជានាង។

រីឯតារាចម្រៀង John Legend, Katy Perry, និង Pharrell Williams មានឈ្មោះដណ្ដើមពានរង្វាន់ម្នាក់ ៥ផ្នែក ខណៈតារាចម្រៀង Lorde មានឈ្មោះក្នុងបញ្ជីចំនួន ៤ផ្នែក។ អ្វីដែលគួរឲ្យភ្ញាក់ផ្អើលនោះគឺ តារាចម្រៀង Beyonce មានឈ្មោះដណ្ដើមពានរង្វាន់ តែ៣ផ្នែកប៉ុណ្ណោះ គឺស្មើនឹង Eminem, Imagine Dragons, OneRepublic, និង One Direction ដែរ។

ក្រៅពី Azalea តារាចម្រៀងដែលជាបេក្ខភាព សម្រាប់ពានរង្វាន់ “សិល្បករប្រចាំឆ្នាំ” រួមមាន Beyonce, Lorde, Bryan, Legend, Perry, Williams, One Direction, Eminem និង Imagine Dragons។

សម្រាប់លទ្ធផលនៃម្ចាស់ពានរង្វាន់ទាំងអស់នឹងត្រូវប្រកាស ក្នុងកម្មវិធីផ្សាយផ្ទាល់ American Music Awards ដែលនឹងប្រារព្ធឡើងនៅមហោស្រព Nokia ទីក្រុង Los Angeles នៅថ្ងៃទី២៣ ខែវិច្ឆិកាខាងមុខនេះ ៕

អានអត្ថបទ៖ Miley Cyrus បង្ហោះរូបស្រាតមិនឈប់ មិនខ្វល់គេហៅមនុស្សឆ្កួត

ប្រែសម្រួល៖ វ៉ាន់ថន ប្រភព៖ eonline