ប្រុសៗចូលចិត្តស្លៀកពាក់យ៉ាងម៉េច ពេលទៅដើរលេង?

2015-10-19 17:34:27
ចំនួនមតិ 0 | ចំនួនចែករំលែក 0

ចន្លោះមិនឃើញ

ពេលទៅដើរលេង យុវវ័យតែងលេងស្ទីលសំលៀកបំពាក់ប្លែកៗគ្នា ដោយបុគ្គលខ្លះចូលចិត្តស្លៀកបែបហ៊ឺហា ទាន់សម័យ ឬសំលៀកបំពាក់មានលក្ខណៈសាមញ្ញៗ ទៅតាមការពេញចិត្តរបស់ពួកគេ។ ចុះក្រុមយុវវ័យខាងក្រោមនេះវិញ តើពួកគេចូលចិត្តស្លៀកពាក់បែបណា?

-ខោខោវប៊យ អាវយឺត អាវដៃវែង ស្បែកជើងប៉ាត់តា

ស្រលាញ់ Style បរទេស លោក លាង លីណា ជាយុវវ័យមួយរូប ចូលចិត្តស្លៀកខោខោវប៊យ ពាក់អាវយឺតក្នុង និង គ្របពីលើដោយអាវវែងមូរដៃ។ យុវជនមកពីខេត្តប៉ៃលិនបញ្ជាក់ថា ៖ “នេះជា Style បរទេស (អាមេរិក) ខ្ញុំចូលចិត្តស្លៀក ព្រោះមើលទៅមានទំនុកចិត្ត សង្ហា ទាន់សម័យ និង ទាក់ទាញ បើធៀបនឹងសំលៀកបំពាក់ផ្សេងទៀត"។

-ខោខោវប៊យ ល្បែកជើងប៉ាត់តា អាវសាច់កំណាត់ ឬ អាវយឺត

ចំណែកលោក ស៊ីម ឌី ក៏បានរៀបរាប់ថា លោកចូលចិត្តស្លៀកខោខោវប៊យ ជាមួយអាវសាច់កំណាត់ បើមិនដូច្នេះទេគឺ ស្លៀកខោខោវប៊យនឹងអាវយឺតដៃខ្លី។ លោកថា ចូលចិត្តលេងខ្លួនបែបនេះ ព្រោះជាស្ទីលសំលៀកបំពាក់ដែលពេញនិយម នៅក្នុងប្រទេសថៃ។ ឌី និយាយថា ៖ "ខ្ញុំចូលចិត្តស្ទីលថៃ"។

-ខោខោវប៊យ អាវយឺត ស្បែកជើងប៉ាត់តា

ដោយឡែកយុវជនសម្បុរខ្មៅស្រអែម មកពីខេត្តតាកែវ សុខ ខំ វិញ បានឱ្យអ្នកយកព័ត៌មាន Sabay ដឹងថា លោកជាញឹកញាប់ ចូលចិត្តស្លៀកខោខោវប៊យ អាវយឺត និងស្បែកជើងសក។ បុរសវ័យជាង ២០ ឆ្នាំរូបនេះ បញ្ជាក់យ៉ាងដូច្នេះថា ៖ "រាងធាត់ដូចខ្ញុំចឹង ស្លៀកខោខោវប៊យ អាវយឺត គឺសម សង្ហា ខ្ញុំចូលចិត្ត ហើយមិត្តភ័ក្តិក៏ថា ខ្ញុំស្លៀកសមដែរ"។

-អាវយឺត ខោសាច់កំណាត់ជើងខ្លីលើជង្គង់ ស្បែកជើងស៊ក

ចូលចិត្តលក្ខណៈសាមញ្ញ មិនឡូយឆាយពេក អាវយឺត ខោសាច់កំណាត់ជើងខ្លីលើជង្គង់ ស្បែកជើងស៊ក ជាចំណង់ចំណូលចិត្តរបស់ ម៉េងហៃ ពេលទៅដើរលេងម្ដងៗ។ បុគ្គលិកក្រុមហ៊ុនឯកជនរូបនេះប្រាប់ថា ការលេងខ្លួនបែបនេះ ងាយស្រួល មិនសាំញ៉ាំ និងចូលក្នុងចំណោមបាន។ លោកបន្តថា៖ "ខ្ញុំចូលចិត្តអ្វីៗសាមញ្ញ"។

ចុះប្រិយមិត្តដែលកំពុងអានវិញ ចូលចិត្តស្លៀកពាក់ស្ទីលណាដែរ?

ចុចអាន៖ មានសង្សារនាំគ្នា ទៅលេងវត្តភ្នំ បែកគ្នាមែនឬ?

ចុចអាន៖ គួរធ្វើយ៉ាងម៉េចខ្លះ ពេលសង្សារឈឺ?

អត្ថបទ៖ អ៊ុំ សុភក្តិ