អ្នកគាំទ្រប្រើដំបងដែកដេញវាយគ្នា ធ្វើឲ្យការប្រកួតបញ្ចប់លីកឈីលីត្រូវផ្អាក

2015-12-08 15:50:11
ចំនួនមតិ 0 | ចំនួនចែករំលែក 0

ចន្លោះមិនឃើញ

ការប្រកួតបញ្ចប់លីកកំពូល Chilean Premera Division រវាងក្រុម Colo Colo និងក្រុមម្ចាស់ផ្ទះ Santiago Wanderers កាលពីថ្ងៃអាទិត្យ ត្រូវផ្អាកទាំងមិនទាន់ចាប់ផ្ដើម ដោយសារអ្នកគាំទ្របានផ្ទុះកំហឹងដាក់គ្នា។

តាមពិតទៅ ការប្រកួតនោះមិនមែនជាការប្រកួតកាត់សេចក្ដីរកជើងឯកនោះទេ ដោយសារក្រុម Colo Colo បានក្លាយជាជើងឯកតាំងពីមុនការប្រកួតម្ល៉េះ ដោយសារមានពិន្ទុលើសគូប្រជែងលេខ២ Universidad Catolica ដែលចាញ់ក្នុងប្រកួតចុងក្រោយ។

ក្រុមកំពូលទាំង៤ក្នុងលីកកំពូលឈីលីដែលមាន១៦ក្រុម

ការប្រកួតនៅកីឡដ្ឋាន Elias Figueroa Brander របស់ Santiago Wanderers គឺជាការប្រកួតបង្រ្គប់កិច្ចដើម្បីអបអរ និងលើកពានតែម្ដង ប៉ុន្តែអ្វីៗមិនដូចការគ្រោងទុកនោះទេ។

អ្នកគាំទ្របានប៉ះទង្គិចគ្នា ដោយប្រើកៅអី និងដំបងដែក រហូតអាជ្ញាកណ្ដាលសម្រេចលើកពានការប្រកួតតែម្ដង។

ប្រភព Bleacher Report បានឲ្យដឹងថាមានមនុស្សម្នាក់បានរងរបួសធ្ងន់ធ្ងរ។ អ្នកចាត់ការក្រុម Colo Colo លោក Jose Luis Sierra បាននិយាយថា៖ "យើងបានប្រឹងប្រែងពេញមួយរដូវកាលរហូតបានឈរលេខ១ ប៉ុន្តែគួរឲ្យសោកស្ដាយដែលមានរឿងបែបនេះកើតឡើង។ វាធ្វើឲ្យខ្ញុំក្រៀមក្រំយ៉ាងខ្លាំង...”។

ក្រោយឈ្នះជើងឯក ក្រុម Colo Colo នឹងបានកៅអីទៅលេងក្នុងពានរង្វាន់ Libertadores Cup (ពានលក្ខណៈតំបន់អាមេរិកខាងត្បូង)៕