YoonA ស៊ីថ្លៃប៉ុន្មានពីការថតរឿងបុរាណចិន “God of War Zhao Yun” ?

2016-04-20 15:52:05
ចំនួនមតិ 0 | ចំនួនចែករំលែក 0

ចន្លោះមិនឃើញ

YoonA សមាជិកក្រុមចម្រៀងកូរ៉េ Girls' Generation កំពុងតែមានសន្ទុះល្បីល្បាញខ្លាំងក្នុងអាជីពសម្ដែងដំបូងនៅប្រទេសចិន បន្ទាប់ពីនាងបានលេចមុខក្នុងរឿងភាគបុរាណចិន “God of War Zhao Yun”។

នៅពេលថ្មីៗនេះ តារាស្រីវ័យ២៥ឆ្នាំបានហក់ឡើងលើ Song Joong-ki ដែលជាតួឯកប្រុសក្នុងរឿង “Descendants of the Sun” ជាតារាដែលមានអ្នកគាំទ្រច្រើនជាងគេក្នុងប្រទេសចិនថែមទៀតផង។ ងាកមកចាប់អារម្មណ៍ពីចំណូលវិញ “God of War Zhao Yun”ល្បីខ្លាំងបែបនេះ តើ YoonA ទទួលបានប្រាក់ប៉ុន្មានពីការសម្ដែងរឿងនេះ?

បើតាមប្រភពសហការីខាងរឿងភាគចិនបានទម្លាយឲ្យដឹងថា ក្រោយសម្ដែងរឿង “God of War Zhao Yun” YoonA ទទួលបានប្រាក់៣ប៊ីលានវ៉ុន (ប្រហែល២,៦លានដុល្លារ)។ ប្រភពបានបន្ថែមថា៖"ការកំណត់តម្លៃឲ្យទៅ YoonA អាស្រ័យលើផលិតកម្ម ប៉ុន្តែតម្លៃ៣ប៊ីលានវ៉ុនគឺជាការស្នើរបស់នាង។ វាជាតម្លៃមួយដ៏ខ្ពស់ ប៉ុន្តែវាក៏សមរម្យដែរ ដោយសារ YoonAជាតារាល្បីក្នុងក្រុម Girls' Generation និងមានបទពិសោធន៍ធ្លាប់សម្ដែងរឿងភាគកូរ៉េមួយចំនួនដែរ"៕