ពុទ្ធិសាស្រ្តមួយឆ្នាំៗចម្រាញ់យកសិស្សពូកែ ៤ ដង មុខជំនាញព័ត៌មានវិទ្យា

2016-08-02 16:10:55
ចំនួនមតិ 0 | ចំនួនចែករំលែក 0

ចន្លោះមិនឃើញ

ជារៀងរាល់ឆ្នាំ សាកលវិទ្យាល័យពុទ្ធិសាស្រ្តតែងតែរៀបចំកម្មវិធីប្រកួតស្វែងរកនិស្សិតឆ្នើម ដែលសិក្សាមុខជំនាញព័ត៌មានវិទ្យា។

លោក ម៉ក់ រដ្ឋា ដែលទទួលបន្ទុកបណ្ដុះបណ្ដាលថ្នាក់បរិញ្ញាបត្រផ្នែកព័ត៌មានវិទ្យានៅសាកលវិទ្យាល័យពុទ្ធិសាស្រ្តឲ្យដឹងថា ជារៀងរាល់ឆ្នាំសាកលវិទ្យាល័យពុទ្ធិសាស្រ្ត តែងតែរៀបចំកម្មវិធីប្រកួតស្វែងរកនិស្សិតឆ្នើមលើមុខជំនាញព័ត៌មានវិទ្យា ដើម្បីផ្តល់ឱកាសដល់និស្សិតអាចបញ្ចេញសមត្ថភាព ក៏ដូចជាទទួលបានបទពិសោធន៍ និងចំណេះដឹងថ្មីៗបន្ថែមទៀតពីការចូលរួមប្រកួតប្រជែង។

លោកថា មានកម្មវិធី ៤ ធំៗសម្រាប់និស្សិតអាចចូលរួមប្រកួតប្រជែង ដូចជាការប្រកួតតាមកម្រិតពិន្ទុតាមឆមាស កម្មវិធី MOS (Microsoft Office Specialist) ការប្រកួត Trouble Shooting ផ្នែក Programing និង Network និងការប្រកួតដើម្បីទទួលអាហារូបករណ៍សិក្សានៅប្រទេសកូរ៉េ។

លោក ម៉ក់ រដ្ឋា បញ្ជាក់ថា មានការប្រកួតប្រជែងនេះ នឹងជំរុញដល់និស្សិតក្នុងការខិតខំសិក្សា និងពង្រឹងការស្រាវជ្រាវកាន់តែខ្លាំង។ ម្យ៉ាងវិញទៀត វាក៏ជាកត្តាមួយជួយលើកកម្ពស់គុណភាពនៃការបណ្ដុះបណ្ដាល ដែលធ្វើឲ្យនិស្សិតយល់ដឹងពីសារប្រយោជន៍នៃបច្ចេកវិទ្យាព័ត៌មានវិទ្យា និងផ្តោតការសិក្សាកាន់តែខ្លាំង ដែលនឹងជួយបង្កើនធនធានមនុស្សធនធានផ្នែកបច្ចេកវិទ្យាចូលរួមអភិវឌ្ឍប្រទេសជាតិ៕

ចុចអាន៖ អតីតនិស្សិត IT ក្លាយជាអ្នកជំនួញជោគជ័យទាំងវ័យក្មេង

អត្ថបទ៖ ប៊ុណ្ណារ៉ា