តារាសិចថៃ ជួបស្នេហ៍បុរសវ័យ៧០ឆ្នាំ ដោយសារព្រះជួយ

2016-10-30 17:33:53
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាសិចថៃដ៏ល្បីនាងណង ណាត ត្រូវបានគេស្គាល់ឈ្មោះជាផ្លូវការថា Kejsarin Chaichalermphol មានអាយុ ៣១ឆ្នាំ បានជួបស្នេហ៍នឹងបុរសអាមេរិកវ័យ៧០ឆ្នាំ ក្រោយទៅបួងសួងបែបព្រះពុទ្ធសាសនា។ នេះបើតាមការបញ្ជាក់របស់នាង។

អតីតតារាសិចរូបនេះប្រាប់ថា ការបួងសួង និងសមាធិ បានជួយឲ្យនាងស្វែងរកឃើញបុរសអាយុច្រើនជាងនាងជាង ២ដង ដែលជាស្ថាបត្យករសញ្ជាតិអាមេរិកលោក Harold Jennings Nesland Jr។ ណង ណាត ជាមនុស្សជឿលើទស្សនៈព្រះពុទ្ធ "ធ្វើល្អ សមាធិ និងបួងសួង"។

បន្ទាប់ពីបានជួបស្នេហ៍ពិត នាងសម្រេចចិត្តបោះបង់ជាតារាសម្ដែងរឿងបែបយុវវ័យឲ្យក្រុមហ៊ុន Tokyo Hunter និង Asian Heart រួចទៅរៀបការជាមួយបុរសក្នុងក្ដីសុបិននាងវិញ។ ភាពយន្តបែបក្ដៅសាច់របស់នាង ទទួលការចាប់អារម្មណ៍ខ្លាំង និងចែកចាយច្រើននៅទូទាំងប្រទេសថៃក្នុងអំឡុងឆ្នាំ ២០០០។

នាងបានដើរចេញពីឧស្សាហកម្មសិច រួចទៅរៀបការជាប្រពន្ធស្របច្បាប់ជាមួយលោក Nesland ក្នុងឆ្នាំ ២០១២។

នាងប្រាប់ថា "ខ្ញុំធ្លាប់ជាអ្នកកាន់សាសនាគ្រិស្ដ តែខ្ញុំប្ដូរមកកាន់សាសនាព្រះពុទ្ធនៅអាយុ២១ឆ្នាំវិញ។ ខ្ញុំចាប់ផ្ដើមធ្វើល្អកាន់តែច្រើនដូចជាទៅវត្ត សិក្សារៀនសូត្រ មើលថែគ្រួសារ បរិច្ចាគសប្បុរសធម៌ជាដើម ព្រោះពុទ្ធសាសនាបានកែប្រែការគិតរបស់ខ្ញុំ ជីវិតរបស់ខ្ញុំ និងធ្វើឲ្យអារម្មណ៍ស្ងប់ សប្បាយរីករាយដល់បច្ចុប្បន្ននេះ"។

ទោះបីជានាងបានលាឈប់ពីអាជីពខាងលើ នាងនៅតែឆ្លៀតពេលបង្ហោះរូបភាពសិចស៊ី ជាមួយឈុតហែលទឹកទៅកាន់ហ្វេន ជាង ២២ម៉ឺននាក់លើ Instagram ម្ដងម្កាលផងដែរ៕