ឡេះ តើក ជាប់ធ្វើសំណងផង បោកខោអាវកូនតូចផង ឃ្លាតឆ្ងាយពីសង្វៀន
- 2016-11-20 00:21:00
- ចំនួនមតិ 0 | ចំនួនចែករំលែក 0
ឡេះ តើក ជាប់ធ្វើសំណងផង បោកខោអាវកូនតូចផង ឃ្លាតឆ្ងាយពីសង្វៀន
ចន្លោះមិនឃើញ
កីឡាករ ឡេះ តើក ប្រាប់ថា អត់ដឹងពេលណានឹងឡើងបង្ហាញមុខលើសង្វៀនទៀតនោះទេដោយសាររវល់ធ្វើសំណង់យកប្រាក់ចិញ្ចឹមគ្រួសារនិងបង់ថ្លៃផ្ទះ។ បើចូលហាត់ដល់ទៅកន្លះខែត្រៀមការប្រកួតនោះគ្រួសារលោកនឹងជួបការលំបាក។
បើតាមការឲ្យដឹងពីអ្នកលេងគុនខ្មែរឥស្លាម ឡេះ តើក បានប្រាប់ Sabay ឲ្យដឹងថា សព្វថ្ងៃលោកកំពុងរវល់ធ្វើការសំណង់មិនអាចដកឃ្លាដើម្បីហ្វឹកហាត់ត្រៀមការប្រកួតរយៈពេលរហូតដល់កន្លះខែនោះទេ។ លោកត្រូវរកប្រាក់ដើម្បីចំណាយផ្សេងៗលើគ្រួសារដូចជាម្ហូបអាហារនិងថ្លៃផ្ទះជួលពីព្រោះប្រពន្ធរបស់កីឡាកររូបនេះនៅមិនទាន់អាចធ្វើអ្វីបាននោះទេបន្ទាប់ពសម្រាលកូនរួច។
ជើងខ្លាំងរូបនេះធ្វើសំណង់បានប្រាក់កម្រៃពី២០០០០ ទៅ ២៥០០០រៀល ក្នុងមួយថ្ងៃ ហើយធ្វើតែ៤-៥ ថ្ងៃប៉ុណ្ណោះក្នុងមួយសប្ដាហ៍ដោយទុកពេលខ្លះជួយបោកខោអាវប្រពន្ធខ្លះ និងធ្វើកិច្ចការមួយចំនួនទៀត។ អ្នកលេងគុនខ្មែរម្នាក់នេះបន្តទៀតថា បើនិយាយពីការហ្វឹកហាត់ត្រូវចំណាយលុយច្រើនគួរសមដើម្បីហូបអាហារបំប៉នឲ្យមានកម្លាំងគ្រប់គ្រាន់នៅពេលប្រកួត ពេលនោះទស្សនិកជនក៏បានមើលការប្រកួតដោយពេញភ្នែកផងដែរ។ ប៉ុន្តែបើមិនបំប៉នអាហារគ្រប់គ្រាន់ លោកក៏មានកម្លាំងវ៉ៃខ្លាំងដូចគេដែរ។
កីឡាករ ឡេះ តើក ក្រោយចាញ់ជើងខ្លាំង ឡុង សុវណ្ណឌឿន នៅវគ្គពាក់កណ្ដាលផ្ដាច់ព្រ័ត្រកាលពីថ្ងៃទី២៨ ខែសីហា នៅសង្វៀនទូរទស្សន៍ PNN កន្លងទៅនេះរូបគេបាត់មុខពីសង្វៀនផ្សេងៗមកទល់សព្វថ្ងៃនេះតែម្ដង៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
