Beyonce និង Jay Z ទើបតែឃើញចេញទៅក្រៅជាមួយកូនៗលើកដំបូង

2017-10-06 08:57:58
ចំនួនមតិ 0 | ចំនួនចែករំលែក 0

ចន្លោះមិនឃើញ

Beyonce និង Jay Z ព្រមទាំងកូនទាំងបីទើបតែត្រូវគេប្រទះឃើញចេញទៅក្រៅជាមួយគ្នាលក្ខណៈគ្រួសារលើកដំបូង។ គូស្នេហ៍តារាលំដាប់កំពូលនេះ ត្រូវបានគេប្រទះឃើញនៅទីក្រុង New York ជាមួយកូនៗទាំងបីរូបគឺ Blue Ivy អាយុ៥ឆ្នាំ និងកូនភ្លោះ Rumi និង Sir អាយុ ៤ខែ។

គ្រួសារនេះបានចេញពីឡានពណ៌ខ្មៅមួយដែល Jay Z ជាឪពុកបានកាន់កន្ត្រកកូនៗ។ មើលតាមស្ថានភាពតារារូបនេះស្លៀកសម្លៀកបំពាក់សាមញ្ញគឺអាវយឺតដៃវែងជាមួយនឹងមួកពណ៌ខ្មៅ ខោកីឡានិងវ៉ែនតាការពារកម្ដៅថ្ងៃផងដែរ។

ចំណែកឯ Beyonce វិញគឺក៏ស្លៀកសម្លៀកបំពាក់កីឡាយ៉ាងសាមញ្ញពណ៌ខៀវ ជាមួយនឹងវ៉ែនតាខ្មៅ ព្រមទាំងស្ពាយកាបូប Louis Vuitton។ ចំណែកឯ Blue Ivy វិញគឺត្រូវគេសង្កេតឃើញចេញពីក្នុងឡានដោយស្លៀកពាក់ឈុតពណ៌ផ្ទៃមេឃ ដោយពាក់ស្បែកជើងនិងវ៉ែនតាពណ៌ផ្កាឈូក។

មិនត្រឹមតែប៉ុណ្ណោះពួកគេក៏មានអមដោយ អង្គរក្សប៉ុន្មាននាក់នៅក្បែរខ្លួនផងដែរ៕