សួន ឆាយ ប្រាថ្នាចង់ក្លាយជាកីឡាករស្នូរឃ័រជម្រើសជាតិនៅពេលខាងមុខ
- 2017-12-14 08:53:50
- ចំនួនមតិ 0 | ចំនួនចែករំលែក 0
សួន ឆាយ ប្រាថ្នាចង់ក្លាយជាកីឡាករស្នូរឃ័រជម្រើសជាតិនៅពេលខាងមុខ
ចន្លោះមិនឃើញ
កីឡាករស្នូរឃ័រដែលមានថ្វីដៃល្អ និងលេចធ្លោជាងគេក្នុងកម្មវិធីប្រកួតដណ្ដើមពានរង្វាន់ Champion Snooker League លើកទី១ សួន ឆាយ មានក្ដីប្រាថ្នាចង់ក្លាយជាកីឡាករជម្រើសជាតិនិងប្រកួតតំណាងឲ្យកម្ពុជាលើឆាកអន្តរជាតិ។
សួន ឆាយ បានឲ្យដឹងថា ឥលូវនេះកំពុងតែព្យាយាមពង្រឹងសមត្ថភាពរបស់ខ្លួនតាមដែលអាចធ្វើទៅបានដូចជាចូលរួមកម្មវិធីប្រកួតតូចធំនានាតាមបណ្ដាក្លឹបស្នូរឃ័រផ្សេងដើម្បីបានបទពិសោធន៍បន្ថែមទៀត និងចង់បំពេញបំណងក្ដីស្រមៃក្លាយជាកីឡាករជម្រើសជាតិកម្ពុជា។
ដោយដឹងថាក្លឹប Champion Snooker បង្កើតកម្មវិធីប្រកួតដណ្ដើមពានរង្វាន់លើកទី១នេះ និងឮថាគ្រោងបង្កើតជាសហព័ន្ធស្នូរឃ័រនៅពេលមុខទៀតនោះ ទើបជំរុញចិត្តរបស់គេឲ្យចូលរួមព្រមទាំងខំប្រឹងប្រែងបញ្ចេញស្នាដៃដើម្បីឈ្នះពានរង្វាន់ Champion Snooker League និងបានឱកាសក្លាយជាកីឡាករជម្រើសផងដែរ។
កីឡាករមកពីខេត្តកំពតខាងលើ អះអាងថានឹងខំប្រឹងហ្វឹកហាត់ជាបន្តទៀតដើម្បីក្លាយជាជើងខ្លាំងនៅកម្ពុជា ហើយអាចចេញទៅប្រកួតលើឆាកអន្តរជាតិតំណាងឲ្យប្រទេសជាតិ។
បច្ចុប្បន្ននេះ សួន ឆាយ ជាកីឡាករលេចធ្លោម្នាក់នៅក្នុងការប្រកួតដណ្ដើមពានរង្វាន់របស់លោក ម៉ួន ម៉ារ៉ា(Champion Snooker League លើកទី១) ដែលឈ្នះ៤សប្ដាហ៍ជាប់ៗគ្នា ខណៈភ្លាត់ចាញ់សប្ដាហ៍ទី៥ កំពុងមាន៨ពិន្ទុ ហើយគេនឹងត្រូវប្រកួតជាបន្តទៀតនៅថ្ងៃសៅរ៍-អាទិត្យចុងសប្ដាហ៍នេះទៀត៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
