នៅ​ហាង​នំ​ប៉័ង Tous Les Jours​ សា​ខា​មុន្នីវង្ស កាល​ពី​​ល្ងាច​ម្សិល​មិញ អតិថិជន​បាន​តម្រង់​ទៅ​ដើម្បី​ភ្លក់​រស​ជាតិ​ដោយ​សេរី​ លើ​នំ​រស​ជាតិ​ប្រភេទ​ថ្មីៗ​ជាង​៣២​ប្រភេទ និង ​នំ​ខេក​ជាង ​២៧ ​ប្រភេទ​ ដែល​សុទ្ធ​តែ​​​​​​ប្រកប​ដោយ​រសជាតិ​ពិសេស​ៗ។

នា​ពេល​ថ្មីៗ​នេះ​ហាង​នំ​ Tous les Joursបាន​បង្កើត​កម្មវិធី Shares ទៅ​លើ បទច​ម្រៀង Christmas Carol នៅ​លើ​គេហទំព័រ បណ្តាញ​សង្គម​ហ្វេកប៊ុក ដើម្បី​ស្វែង​រក​ការ​​គាំ​ទ្រ​ពី​សំណាក់ Facebook Fans របស់​ខ្លួន ក្នុង​ការ​ឧបត្ថម្ភ​នំ​ខេក​ចំនួន ៥០នំ ជូន​ដល់​កុមារ​កំព្រា​នៅ​តាម​បណ្តា​អង្គការ​នានា ឲ្យ​ពួក​គាត់​បាន​ភ្លក់​​រសជាតិ​ប្លែកៗ និង​ក៏​ដើម្បី​ឲ្យពួក​គាត់ បាន​រីករាយ​ជា​មុន​នៅ​ថ្ងៃ​បុណ្យ Christmas ដែល​នឹង​ឈាន​មក​ដល់​ថ្ងៃ​ខាង​មុខ​នេះ​ សម្រាប់​ការ Share បាន​ចំនួន ៥០០០Shares។​

ដើម្បី​​ឲ្យ​កាន់​តែ​ងាយ​ស្រួល​ដល់​អតិថិជន​​ទទួល​យក​រស់ជាតិ​​​​ឈ្មុយឆ្ងាញ់​ ​និង​​​សម្បូរបែប​របស់​ខ្លួន​​ ​​ហាង​នំ​ប៉័ង​​​​អន្តរជាតិ​ Tous Les Jours ​​​ពេល​នេះ​​បាន​បើក​សាល​ល្បង​សាខា​​ថ្មី​បន្ថែម​មួយ​ទៀត​ ​​​​នៅ​មណ្ដោយ​​មហា​វិថី​កម្ពុជា​ក្រោម​។