ចាយអស់ ២៨៥ ដុល្លារ អាចធ្វើ Galaxy S9+ បានដោយខ្លួនឯង (វីដេអូ)

2019-08-21 03:26:46
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក Scotty Allen បានចេញផ្សាយវីដេអូដ៏ពិសេសមួយនៅលើ YouTube ជុំវិញការដើរទិញគ្រឿងបង្គំនៃស្មាតហ្វូន Android ក្នុងផ្សារលក់គ្រឿងអេឡិចត្រូនិក Huagiqangbei ស្ថិតក្នុងទីក្រុង Shenzhen ប្រទេសចិន។

ដើមឡើយលោក Allen មានបំណងថាចង់ដំឡើងជាស្មាតហ្វូន Google Pixel ឬ Galaxy S10 ប៉ុន្តែដោយផ្នែកសំខាន់ខ្លះលំបាកក្នុងការរកទិញពេក លោកក៏ប្តូរចិត្តមករៀបចំដំឡើង Galaxy S9+ វិញ។

ក្នុងផ្សារមួយនេះប្រមូលផ្តុំដោយហាងលក់គ្រឿងបង្គំស្មាតហ្វូនជាច្រើនមានតាំងពីអេក្រង់ សំបកម៉ាស៊ីន Motherboard ថ្ម និងកាមេរ៉ាជាដើម។ ដោយអ្នកលក់បានកាប់សាច់គ្រឿងទាំងនោះចេញពីម៉ាស៊ីនដែលខូច រួចឆ្លងកាត់ការត្រួតពិនិត្យមុនយកមកដាក់លក់ឲ្យអតិថិជន។

Allen បានសម្លឹងរកឃើញបន្ទះ Motherbord នៃ Galaxy S9+ មុនគេបង្អស់ ដោយអ្នកលក់បាននិយាយថាវានៅដំណើរការស្រួល ហើយពុំមានជាប់ Lock អ្វីនោះទេ។

បន្ទាប់គឺលោកទិញនូវបន្ទះអេក្រង់ ដែល Allen បានតេស្តសារជាថ្មីដើម្បីលម្អិតលើគុណភាពមុនប្រគល់លុយ។

ក្រោយមកដើរទិញផ្នែកជាច្រើនដូចជាសំបកខ្នងក្រោយ ថ្ម ខណៈបង្គំនៃកាមេរ៉ាក្រោយថ្លៃ ២,៣២ ដុល្លារ។ លោកបានសង្កត់ធ្ងន់ថាការស្វែងរកទិញផ្នែកគ្រឿងនៃ Galaxy S9+ គឺមានភាពលំបាកជាងប្រភេទម៉ាស៊ីន iPhone។

ចុងក្រោយលោកបានប្រមូលគ្រប់គ្រឿងទាំងអស់យកទៅដំឡើងនៅផ្ទះដោយខ្លួនឯង ហើយបាន Galaxy S9+មួយគ្រឿងដែលចាយលុយត្រឹម ២៨៥ ដុល្លារប៉ុណ្ណោះ ដែលទាបជាងតម្លៃលើទីផ្សារដែលលក់ថ្លៃ ៥៥០ ដុល្លារសម្រាប់ម៉ាស៊ីនថ្មី៕