៨ វិធីអាចជួយអ្នកបំបាត់ចំណង់ទិញសម្ភារៈកាមេរ៉ាថ្មីបាន

2018-01-02 03:13:38
ចំនួនមតិ 0 | ចំនួនចែករំលែក 0

ចន្លោះមិនឃើញ

ការប្រើឧបករណ៍ថ្មីៗ ថ្លៃៗ អាចជាបំណងប្រាថ្នា របស់អ្នកថតរូបនានា ជាពិសេសអ្នកថតរូបដំបូង ព្រោះគិតថាឧបករណ៍ថ្មី ថ្លៃអាចជួយឲ្យរូបភាពពួកគេប្រសើរឡើង តែពុំមែនទាំងស្រុងនោះទេ។ យ៉ាងណាមិញ អ្នកគួរប្រើប្រាស់មុខងារលើកាមេរ៉ាអ្នកមាន និងគំនិតច្នៃប្រឌិតរបស់អ្នក ឲ្យអស់ពីលទ្ធភាព មុនចំណាយលុយលើឧបករណ៍ថ្មី។ អ្នកអាចពិនិត្យមើល ៨ ចំនុចនេះ ជាយោបល់សម្រាប់ពិចារណា មុនអ្នកទិញឧបករណ៍ថ្មី ប្រហែលជាអាចសន្សំលុយអ្នកបានខ្លះដែរ។

១. រក្សាទុក Lens អ្នកមាន

ចំនុចមួយ អ្នកថតរូបជាច្រើនធ្វើក្រោយពេលរៀនរបៀបប្រើកាមេរ៉ា DSLR គឺឡើងជំនាន់ (Upgrade) Lens។ Lens មានទម្ងន់ស្រាល និងអាចជួយផ្តល់លទ្ធផលអ្នកចង់បាន ត្បិតមានដែនកំណត់ខ្លះ។ ពេលអ្នកមាន Lens ច្រើន អ្នកប្រហែលរកឃើញថាការថតរូបខ្លះ Lens អ្នកមានបច្ចុប្បន្នមិនមានសមត្ថភាពជួយបាននោះទេ។

Lens 17-55mm ផ្តល់នូវមុំធំល្អរួមជាមួយនឹងសមត្ថភាព Telephoto ខ្លីមួយ ជាពិសេសពេលប្រើលើកាមេរ៉ាមាន APS-C sensor ដែលអាចធ្វើការថតរូបភាពចាប់ពីលក្ខណៈទេសភាព ទៅ Portrait បាន ។ ការមាន Lens ធម្មតាមួយ អាចងាយស្រួលក្នុងការកំណត់ប្រសិនបើអ្នកពិតជាត្រូវការ Wide-angle lens មុននឹងចំណាយថវិកា។

២. ផ្លាស់ប្ដូរបរិស្ថាន មិនមែនឧបករណ៍នោះទេ

ជំនួសឲ្យការផ្លាស់ប្ដូរឧបករណ៍ អ្នកគួរប្តូរទិដ្ឋភាព ដោយធ្វើដំណើរកំសាន្តទៅសមុទ្រ ឡើងភ្នំ ឬកន្លែងផ្សេងៗទៀត។ អ្នកអាចថតរូបទេសភាព ឬចំណាយពេលទៅខាងក្រៅ ដើម្បីឃើញពីជំនាញអ្នកក្នុងការកំណត់ទីតាំង និងប្លង់បានល្អ។ អ្នកអាចទៅហាងលក់ទំនិញ ឬទិញសម្ភារៈមួយចំនួនក្នុងការបង្កើតជាទិដ្ឋភាពអ្វីមួយ។ ក្នុងការធ្វើអ្វីក៏ដោយ ងាយស្រួលនឹងធ្វើឲ្យអ្នកធុញទ្រាន់ណាស់ ប្រសិនបើគ្មានអ្វីថ្មី។

៣. កំណត់ម៉ោងរោទ៍

អ្នកគួរដាក់ម៉ោងរោទ៍ក្រោកពីព្រលឹម ដើម្បីទាញប្រយោជន៍ពីពន្លឺពេល Golden hour (រយៈពេលខ្លីមួយក្រោយព្រះអាទិត្យរះ ឬមុនពេលព្រះអាទិត្យលិច) ដែលជាវិធីងាយស្រួលក្នុងការពង្រឹងការថតរូបអ្នកដោយមិនចំណាយប្រាក់កាក់។ គុណភាពពន្លឺមានពេលព្រះអាទិត្យរះ និងព្រះអាទិត្យលិចជួយកែប្រែទិដ្ឋភាពគ្រប់យ៉ាង។ ការទិញ Lens ផ្សេងមិនមានការផ្លាស់ប្ដូរធំមួយនោះទេ លុះត្រាអ្នកត្រូវការសម្រាប់ការងារជាក់លាក់ណាមួយ។

៤. ចូលរួមការប្រកួតថតរូប

អ្នកគួរចូលរួមការប្រកួតលើការថតរូបនានា មិនថាតូច ឬធំ ដែលអាចជួយបើកភ្នែកបានកាន់តែច្បាស់លើផ្នែកថតរូប ដោយជួយជំនះភាពរាំងស្ទះនូវគំនិតច្នៃប្រឌិត ជាមួយនឹងវិធីសាស្ត្រ និងគំនិតថ្មីៗ។ ពេលខ្លះផ្លាស់ប្ដូរវិធីថត មានភាពងាយស្រួលជាងផ្លាស់ប្ដូរឧបករណ៍ថត។

៥. មានដែនកំណត់លើខ្លួនឯង

ពេលខ្លះអ្នកប្រហែលជាយល់ថាមានកាមេរ៉ាថ្លៃ អាចផលិតរូបភាពបានល្អជាងគេ តែមែនទែនទៅមិនមែនទាំងស្រុងនោះទេ។ សម្រាប់អ្នកថតរូប គំនិតច្នៃប្រឌិតមើលឃើញពីក្រោយកាមេរ៉ា មានភាពល្អប្រសើរជាង។ អ្នកអាចកំណត់ព្រំដែនដោយប្រើប្រាស់ត្រឹមកាមេរ៉ាធម្មតា ឬកាមេរ៉ាទូរសព្ទ ដោយប្រើមុខងារសាមញ្ញមានស្រាប់លើកាមេរ៉ា ហើយបង្ខំខ្លួនអ្នកផ្ដោតសំខាន់លើការកំណត់ប្លង់, ពណ៌, Subject, ស្ទិល និងលក្ខណៈផ្សេងទៀត។ ជាមួយនឹងការរៀបចំតាមអ្វីអ្នកមើលឃើញ ជាមួយនឹងកាមេរ៉ាល្អមួយ អាចជួយធ្វើឲ្យរូបភាពកាន់តែទាក់ទាញ។

៦. ថតរូបលក្ខណៈ Macro ដោយគ្មាន Macro lens

ការថតរូបប្រភេទខ្លះ អ្នកប្រហែលជាគិតថាមិនអាចទៅរួចដោយគ្មានឧបករណ៍ជាក់លាក់ ដូចជាលក្ខណៈ Macro ដោយគ្មាន Macro lens ប៉ុន្តែអ្នកគួរព្យាយាមប្រើវិធីនានា សម្រាប់ថតរូបលក្ខណៈនេះ ឬផ្សេងទៀត មុនពេលអ្នកទិញឧបករណ៍ជំនួស។

អ្នកអាចប្រើ Lens ដោយមិនភ្ជាប់នឹងកាមេរ៉ា ហើយប្រើបញ្ច្រាស ដាក់ពីមុខ Sensor ដែលអាចផលិតបានរូបភាពបែបម្យ៉ាង តែអាចធ្វើឲ្យបាត់បង់សមត្ថភាព Focus របស់ Lens នៅទីឆ្ងាយ ពិបាកគ្រប់គ្រងកង្វះពន្លឺ និងស្ទើរតែមិនអាចថតបាននឹងល្អ។ យ៉ាងណាមិញ អ្នកអាចប្រើ Extension tube (ឧបករណ៍ភ្ជាប់នឹង Lens ងាយស្រួលភ្ជាប់នឹងកាមេរ៉ាពេលប្រើ Lens បញ្ច្រាស) ដែលអាចកាត់បន្ថយកង្វះពន្លឺ និងការរង្គើ ដោយមានតម្លៃធូរថ្លៃ តែក៏មិនថ្លៃដូចប្រើ Macro lens តែម្តងដែរ។

៧. សហការជាមួយនឹងតារាម៉ូដែល

អ្នកអាចធ្វើការជាមួយនឹងតារាម៉ូដែល (អាចជាមិត្តភក្ដិ សង្សារ ឬបងប្អូន) ដែលអាចជួយផ្តល់នូវគំនិត ហើយអ្នកអាចសាកល្បងវិធី និងស្ទីលថ្មីបាន។ ម្យ៉ាងវិញទៀត អ្នកអាចថតសកម្មភាពតារាម៉ូដែល ជាមួយនឹង Subject ផ្សេងៗបាន ក្រៅពីត្រឹមតែថតមនុស្ស។

៨. ស្វែងរកការបញ្ចុះតម្លៃ

បើអ្នកមានលុយមួយចំនួន ហើយនៅតែចង់ចំណាយលើអ្វីអ្នកចង់បាន អ្នកអាចត្រួតពិនិត្យមើលរូបរាងឧបករណ៍ លក្ខណៈសម្បត្តិ និងតម្លៃធៀបនឹងលក្ខណៈសម្បត្តិ សមនឹងអ្វីអ្នកត្រូវការ។ មួយវិញទៀត អ្នកក៏អាចស្វែងរកឧបករណ៍មួយទឹកដូចជា កាមេរ៉ា, Lens, Tripods និងឧបករណ៍មួយចំនួនទៀត ប៉ុន្តែគួរប្រាកដថាអ្នកមានជំនាញគ្រប់គ្រាន់ក្នុងការត្រួតពិនិត្យរបស់ ព្រោះរបស់នោះអ្នកប្រើតពីគេ៕