NOCC មានសិទ្ធិពេញលេញ ហាមឃាត់ការរៀបចំកម្មវិធីកីឡាមិនត្រឹមត្រូវ
- 2018-02-14 02:18:21
- ចំនួនមតិ 0 | ចំនួនចែករំលែក 0
NOCC មានសិទ្ធិពេញលេញ ហាមឃាត់ការរៀបចំកម្មវិធីកីឡាមិនត្រឹមត្រូវ
ចន្លោះមិនឃើញ
កាលពីពេលថ្មីៗឯកឧត្ដម វ៉ាត់ ចំរើន អគ្គលេខាធិការនៃគណៈកម្មាធិការជាតិអូឡាំពិកកម្ពុជា (NOCC) បានប្រកាសថា គណៈកម្មាធិការជាតិទទួលបានសិទ្ធពេញលេញពីរាជរដ្ឋាភិបាលក្នុងការហាមឃាត់ ឬមិនអនុញ្ញាតឲ្យក្រុមហ៊ុននានា រៀបចំកម្មវិធីប្រកួតកីឡាដែលមិនត្រូវត្រូវតាមច្បាប់កីឡា។
ឯកឧត្ដមរូបនេះបានឲ្យដឹងថា រាល់ការរៀបចំកម្មវិធីកីឡារបស់ក្រុមហ៊ុននានា ដាច់ខាតត្រូវឆ្លងកាត់ការត្រួតពិនិត្យផ្នែកបច្ចេកទេស ដោយក្រុមការងាររៀបចំនៃគណៈកម្មាធិការជាតិអូឡាំពិកកម្ពុជា ដើម្បីឲ្យច្បាស់ថា ការរៀបចំនោះមិនបង្កគ្រោះថ្នាក់ដល់អត្តពលិក ឬមហាជន។ មួយទៀត NOCC មានសិទ្ធហាមឃាត់រាល់ការរៀបចំកម្មវិធីកីឡាណាដែលមិនត្រឹមត្រូវ។
អគ្គលេខាធិការខាងលើដដែលបន្ថែមថា កាលពីពេលកន្លងទៅមានក្រុមហ៊ុនមួយចំនួន ស្នើមកកាន់ NOCC ក្នុងការរៀបចំកម្មវិធីកីឡាដោយខ្លួនឯង។ ចាប់ពីពេលនេះទៅក្រោយទទួលបានការសម្រេចពីរាជរដ្ឋាភិបាលគណៈកម្មាធិការជាតិសម្រេចថា នឹងមិនអនុញ្ញាតរាល់ការស្នើសុំនានា ហើយប្រសិនបើចង់បង្កើតព្រឹត្តិការណ៍កីឡាត្រូវឆ្លងកាត់ NOCC ក្នុងការរៀបចំបច្ចេកទេសនានា ដើម្បីបញ្ចៀសសោកនាដកម្ម៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
