ពាក់កណ្ដាលម៉ារ៉ាតុងក្រុងព្រះសីហនុឆ្នាំនេះ រំពឹងខ្ពស់ជាង ២ពាន់នាក់
- 2018-02-22 04:28:58
- ចំនួនមតិ 0 | ចំនួនចែករំលែក 0
ពាក់កណ្ដាលម៉ារ៉ាតុងក្រុងព្រះសីហនុឆ្នាំនេះ រំពឹងខ្ពស់ជាង ២ពាន់នាក់
ចន្លោះមិនឃើញ
កម្មវិធីរត់ពាក់កណ្ដាលម៉ារ៉ាតុងលើកទី៧ នៅក្រុងព្រះសីហនុ នឹងរៀបចំឡើងនៅថ្ងៃទី១១ ខែមីនា ឆ្នាំ២០១៨ ដែលក្ដីរំពឹងនៃអ្នកចូលរួមអាចមានចំនួនជាង ២ ពាន់នាក់។
ឯកឧត្ដម វ៉ាត់ ចំរើន អគ្គលេខាធិការនៃគណៈកម្មាធិការជាតិអូឡាំពិកកម្ពុជា បានឲ្យដឹងថា មកដល់ពេលនេះចំនួននៃអ្នកចុះឈ្មោះមានចំនួនជាង ១ពាន់នាក់ ក្នុងនោះមានបរទេសប្រមាណជិត ២០០នាក់ ដោយសរុបមាន ២៨ប្រទេសចូលរួម ហើយភាគច្រើនជាជនជាតិជប៉ុន។ ព្រឹត្តិការណ៍ខាងលើទម្រាំដល់ថ្ងៃឈប់ទទួលពាក្យ នឹងអាចកើនឡើងដល់ជាង ២ពាន់នាក់ ដែលជាចំនួនរំពឹងខ្ពស់បំផុត។ ចំនួននៃការរំពឹងនេះគឺអាចមានកើតឡើងតិចតួចលើសឆ្នាំមុន។
ឯកឧត្ដមបន្ថែមថា ចំនួននៃការរំពឹងទុកនេះមិនទាន់ស្ថិតក្នុងការចង់បាន ឬគោលដៅរបស់គណៈកម្មការរៀបចំការប្រកួតឡើយ។ ប៉ុន្តែក្រុមការងារកំពុងដុតដៃដុតជើង ស្វែងរកមធ្យោបាយ ដើម្បីអាចបង្កើនចំនួនអ្នកចូលរួម ពិសេសគឺភ្ញៀវទេសចរណ៍បរទេស។
កម្មវិធីឈប់ទទួលពាក្យ នឹងបិទត្រឹមមុនការប្រកួតចាប់ផ្ដើមមួយសប្ដាហ៍។ សម្រាប់កម្មវិធីនៃការរត់មាន ៣គឺ ២១គីឡូម៉ែត្រ ១០ គីឡូម៉ែត្រ និង ៣ គីឡូម៉ែត្រ៕