ឡុង រ៉ាមី ប៉ះអ្នកខ្លាំងច្រើនទើបសមត្ថភាពរីកចម្រើនលឿន

2018-03-05 05:03:11
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកលេងគុនខ្មែរ ឡុង រ៉ាមី បានចាញ់ការប្រកួតកាលពីថ្ងៃសៅរ៍ និងត្រូវធ្លាក់នៅជុំទី១នេះ ប៉ុន្តែបានបង្រៀនរូបគេយល់ពីសមត្ថភាពខ្លួនឯងដើម្បីពង្រឹងទៅថ្ងៃខាងមុខ។

កីឡាករ ឡុង រ៉ាមី

ឡុង រ៉ាមី បានឲ្យដឹងថា ផាន់ ផាត់យុទ្ធជាកីឡាករល្អ និងចាស់វស្សាដែលមានបទពិសោធច្រើនលើសង្វៀន មិនថាប៉ះខ្មែរគ្នាឯង ឬបរទេសនោះទេ ដូច្នេះហើយទើបរូបគេបានមិនអាចយកឈ្នះបាន។ តាមរយៈការប្រកួតមួយនេះ រូបគេទទួលបានបទពិសោធច្រើន ដូចជារបៀបនៃការវ៉ៃជាមួយដៃគូជាជើងចាស់ ត្រូវត្រៀមកម្លាំងយ៉ាងណា ហើយត្រូវហាត់ស្នៀតពិសេសៗដើម្បីទុកប្រើនៅពេលប្រកួត។

កីឡាករ ឡុង រ៉ាមី(ខៀវ)

ទោះជាធ្លាក់នៅជុំទី១ពានរង្វាន់ TV5 នេះក្ដី ប៉ុន្តែកីឡាករវ័យ២៥ឆ្នាំរូបនេះមិនបានបាក់ទឹកចិត្តអ្វីនោះទេ ពោលគឺរឹតតែចង់ប្រកួតជាមួយរៀមច្បងដទៃទៀត ព្រោះបានជួបប្រកួតជាមួយជើងខ្លាំងកាន់តែច្រើន វាធ្វើឲ្យរូបគេរឹតតែបានបទពិសោធបន្ថែមទៀតដើម្បីក្លាយជាកីឡាករល្បីជួរមុខ។

កីឡាករ ឡុង រ៉ាមី(ខៀវ)

ឡុង រ៉ាមី ជាអ្នកប្រដាល់មកពីក្លឹបខ្លារខិន ប្រកួតចុងក្រោយចាញ់កីឡាករ ផាន ផាត់យុទ្ធ ដោយពិន្ទុកាលពីថ្ងៃសៅរ៍កន្លងទៅនេះ ហើយត្រូវធ្លាក់ចេញពីពានរង្វាន់របស់ TV5 ត្រឹមនេះហើយ៕

អត្ថបទ៖ នួន ស៊ីណា