ដឹងអត់ រូបរាងម្រាមជើង អាចប្រាប់រឿងអស្ចារ្យពីខ្លួនអ្នក

2018-03-05 06:35:15
ចំនួនមតិ 0 | ចំនួនចែករំលែក 0

ចន្លោះមិនឃើញ

រាងកាយរបស់យើង ពិតជាអស្ចារ្យខ្លាំងណាស់ ទោះបីជាយើងមើលឃើញថា វាមិនស្អាត ឬមិនល្អឥតខ្ចោះយ៉ាងណាក៏ដោយ។ លើសពីនេះ គ្រប់ផ្នែកនៃរាងកាយរបស់យើង សុទ្ធតែអាចប្រាប់យើងអំពីអ្វីម្យ៉ាង។ មិនតែប៉ុណ្ណោះ សូម្បីតែម្រាមជើង ក៏ដូច្នេះដែរ។

ខាងក្រោមនេះគឺជា រូបរាងម្រាមជើងទាំង ៨ ដែលអាចប្រាប់រឿងអស្ចារ្យពីខ្លួនអ្នក ៖

១. ម្រាមជើងរ៉ូម៉ាំង

មនុស្សដែលមានម្រាមជើងប្រភេទនេះ ជាទូទៅមានភាពរួសរាយរាក់ទាក់, ចូលចិត្តស្រឡាញ់គេ និងឲ្យគេស្រឡាញ់វិញ។ ពួកគេចូលចិត្តគាំទ្រអ្នកដទៃ ហើយទទួលបានការគាំទ្រមកវិញ ជាហេតុអាចជម្នះរាល់ឧបសគ្គចំពោះមុខ។

២. ម្រាមជើងស្រួច

មនុស្សដែលមានម្រាមជើងទាំងនេះ មានមហិច្ឆតាខ្លាំង ប៉ុន្តែក៏មានគំនិតច្នៃប្រឌិតផងដែរ ហើយថែមទាំងចូលចិត្តបង្កឱ្យមានភាពច្របូកច្របល់បន្តិចបន្តួចដល់អ្នកដទៃទៀតផង។

៣. ម្រាមជើងការ៉េ

ពួកគេ ជាមនុស្សមានការគិតច្បាស់លាស់ និងដិតដល់មុនពេលសម្រេចចិត្តធ្វើអ្វីមួយ។ ពួកគេក៏តែងតែស្វែងរកមធ្យោបាយជាក់ស្តែងក្នុងការដោះស្រាយបញ្ហាណាមួយផងដែរ។

៤. ម្រាមជើងតូច

មនុស្សមានម្រាមជើងប្រភេទនេះ ចូលចិត្តរក្សាជីវិតឯកជនរបស់ពួកគេ ដោយសារតែមានភាពខ្មាសអៀនច្រើន ហើយពេលខ្លះអាចមានការការពារជ្រុលដោយសារតែអារម្មណ៍របស់ពួកគេ។

៥. ម្រាមជើងឃ្លាតពីគ្នា

ម្រាមប្រភេទនេះបង្ហាញថា ពួកគេមានភាពនឿយហត់ច្រើន ប៉ុន្តែចូលចិត្តស្វែងរកបទពិសោធន៍ និងទៅកន្លែងថ្មីៗផងដែរ។

៦. ម្រាមជើងអ្នកចម្បាំង

មនុស្សទាំងនេះ ចូលចិត្តពិធីជប់លៀង ហើយក៏មានការចាប់អារម្មណ៍ខ្លាំងចំពោះអ្វីៗផ្សេងទៀត រហូតដល់មានឆន្ទៈធ្វើអ្វីគ្រប់យ៉ាងដើម្បីការពារទស្សនៈរបស់ពួកគេ។ មិនមានអ្វីដែលពួកគេចូលចិត្តច្រើនជាង ការរីករាយជាមួយខ្លួនឯងរៀងរាល់នាទីនោះទេ។