របស់ ១០ យ៉ាង មិនគួរចោលក្នុងបំពង់បង្ហូរ បើមិនចង់មានបញ្ហា

2018-03-05 07:20:48
ចំនួនមតិ 0 | ចំនួនចែករំលែក 0

ចន្លោះមិនឃើញ

ជារឿយៗ មនុស្សភាគច្រើនចោលអ្វីមួយទៅក្នុងបំពង់បង្ហូរ ដោយមិនបានគិតអំពីផលវិបាកនោះទេ។ តើអ្នកដឹងទេថាអ្វីខ្លះដែលមិនគួរចោលទៅក្នុងបំពង់បង្ហូរនោះ?

ដូច្នេះហើយ ខាងក្រោមនេះគឺជា របស់ទាំង ១០យ៉ាងដែលអ្នកមិនគួរចោលទៅក្នុងបំពង់បង្ហូរ ៖

១. បាយ និងប៉ាស្តា

បាយ និងប៉ាស្ដាតែងស្រូបយកជាតិទឹក ហើយរីកធំជាងមុន ជាហេតុធ្វើឲ្យបំពង់បង្ហូររបស់អ្នកស្ទះដោយមិនដឹងខ្លួន។

២. សំបកស៊ុត

មនុស្សជាច្រើនគិតថា ប្រសិនបើបំបែកសំបកស៊ុតឲ្យទៅជាតូចៗ នោះវាមិនស្ទះទេ។ ប៉ុន្តែការពិតមិនដូច្នោះទេ ព្រោះបំណែកតូចៗនៃសំបកស៊ុតនឹងប្រមូលផ្ដុំគ្នាបង្កើតបានជាដុំធំមួយ ហើយយូរៗទៅនឹងធ្វើឲ្យមានការកកស្ទះ។

៣. ម្សៅ

សាកស្រមៃថា ម្សៅនិងទឹកលាយចូលគ្នាបង្កើតបានជាដុំម្សៅធំមួយក្នុងបំពង់បង្ហូររបស់អ្នក។ យូរៗទៅ ដុំម្សៅនេះនឹងទាក់យកកាកសំណល់ផ្សេងទៀត ហើយធ្វើឲ្យមានការកកស្ទះ។

៤. ថ្នាំពេទ្យ

មនុស្សមួយចំនួនគិតថា ថ្នាំពេទ្យនឹងរលាយយ៉ាងងាយនៅក្នុងទឹក ដូច្នេះហើយពួកគេក៏ចោលវាទៅក្នុងបំពង់បង្ហូរ។ ជាការពិតណាស់ ថ្នាំទាំងនោះមិនរលាយក្នុងទឹកទេ ហើយថែមទាំងបំពុលទឹកទៀតផង។ លើសពីនេះទៀត ឧបករណ៍ចម្រោះទឹកមិនអាចកម្ចាត់ជាតិពុលនេះបានទេ។

៥. សក់

សក់គឺជាហេតុផលមួយក្នុងចំណោមហេតុផលជាច្រើន ដែលបណ្តាលឱ្យបំពង់ត្រូវបានស្ទះនៅក្នុងបន្ទប់ទឹក។ នៅពេលដែលសក់ហូរទៅក្នុងបំពង់បង្ហូរ វានឹងជាប់នៅខាងក្នុង ហើយបង្កើតបានជាដុំបាល់មួយដែលដើរតួជាសំណាញ់សម្រាប់កាកសំណល់ផ្សេងៗ។