របស់ ១០ យ៉ាង មិនគួរចោលក្នុងបំពង់បង្ហូរ បើមិនចង់មានបញ្ហា
- 2018-03-05 07:20:48
- ចំនួនមតិ 0 | ចំនួនចែករំលែក 0
របស់ ១០ យ៉ាង មិនគួរចោលក្នុងបំពង់បង្ហូរ បើមិនចង់មានបញ្ហា
ចន្លោះមិនឃើញ
ជារឿយៗ មនុស្សភាគច្រើនចោលអ្វីមួយទៅក្នុងបំពង់បង្ហូរ ដោយមិនបានគិតអំពីផលវិបាកនោះទេ។ តើអ្នកដឹងទេថាអ្វីខ្លះដែលមិនគួរចោលទៅក្នុងបំពង់បង្ហូរនោះ?
ដូច្នេះហើយ ខាងក្រោមនេះគឺជា របស់ទាំង ១០យ៉ាងដែលអ្នកមិនគួរចោលទៅក្នុងបំពង់បង្ហូរ ៖
១. បាយ និងប៉ាស្តា
បាយ និងប៉ាស្ដាតែងស្រូបយកជាតិទឹក ហើយរីកធំជាងមុន ជាហេតុធ្វើឲ្យបំពង់បង្ហូររបស់អ្នកស្ទះដោយមិនដឹងខ្លួន។
២. សំបកស៊ុត
មនុស្សជាច្រើនគិតថា ប្រសិនបើបំបែកសំបកស៊ុតឲ្យទៅជាតូចៗ នោះវាមិនស្ទះទេ។ ប៉ុន្តែការពិតមិនដូច្នោះទេ ព្រោះបំណែកតូចៗនៃសំបកស៊ុតនឹងប្រមូលផ្ដុំគ្នាបង្កើតបានជាដុំធំមួយ ហើយយូរៗទៅនឹងធ្វើឲ្យមានការកកស្ទះ។
៣. ម្សៅ
សាកស្រមៃថា ម្សៅនិងទឹកលាយចូលគ្នាបង្កើតបានជាដុំម្សៅធំមួយក្នុងបំពង់បង្ហូររបស់អ្នក។ យូរៗទៅ ដុំម្សៅនេះនឹងទាក់យកកាកសំណល់ផ្សេងទៀត ហើយធ្វើឲ្យមានការកកស្ទះ។
៤. ថ្នាំពេទ្យ
មនុស្សមួយចំនួនគិតថា ថ្នាំពេទ្យនឹងរលាយយ៉ាងងាយនៅក្នុងទឹក ដូច្នេះហើយពួកគេក៏ចោលវាទៅក្នុងបំពង់បង្ហូរ។ ជាការពិតណាស់ ថ្នាំទាំងនោះមិនរលាយក្នុងទឹកទេ ហើយថែមទាំងបំពុលទឹកទៀតផង។ លើសពីនេះទៀត ឧបករណ៍ចម្រោះទឹកមិនអាចកម្ចាត់ជាតិពុលនេះបានទេ។
៥. សក់
សក់គឺជាហេតុផលមួយក្នុងចំណោមហេតុផលជាច្រើន ដែលបណ្តាលឱ្យបំពង់ត្រូវបានស្ទះនៅក្នុងបន្ទប់ទឹក។ នៅពេលដែលសក់ហូរទៅក្នុងបំពង់បង្ហូរ វានឹងជាប់នៅខាងក្នុង ហើយបង្កើតបានជាដុំបាល់មួយដែលដើរតួជាសំណាញ់សម្រាប់កាកសំណល់ផ្សេងៗ។
៦. ផ្លាកបិទនៅលើផ្លែឈើ និងកំប៉ុង
បញ្ហាជាមួយផ្លាកបិទទាំងនេះ គឺដោយសារតែវាមានជាតិស្អិត ជាហេតុធ្វើឲ្យប្រើរយៈពេលយូរដើម្បីរលាយនៅក្នុងទឹក។
៧. កាកសំណល់សាងសង់
កម្ទេចកំទីថ្មមិនថាតូចឬធំ អាចបង្កឲ្យមានការកកស្ទះខ្លាំងក្នុងបំពង់បង្ហូរ និងអាចធ្វើឲ្យមានបញ្ហាធ្ងន់ធ្ងរទៀតផង។
៨. ស្រោមអនាម័យ
អ្នកត្រូវចងចាំថា ស្រោមអនាម័យគឹផលិតឡើងដោយជ័រដែលមិនរលាយក្នុងទឹក។ លើសពីនេះទៀតកាកសំណល់ផ្សេងៗអាចហូរចូលក្នុងស្រោមអនាម័យ ដែលធ្វើឲ្យមានការកកស្ទះកាន់តែខ្លាំង។
៩. កន្ទុយបារី
បញ្ហាជាមួយកន្ទុយបារីគឺថា វានឹងស្រូបយកជាតិទឹកហើយរីកមាឌកាន់តែធំ។ អ្វីដែលកាន់តែអាក្រក់ទៀតនោះ គឺវាមិនរលាយក្នុងទឹកនោះទេ។
១០. ផលិតផលស្ត្រី
គ្រប់គ្នាដឹងរួចមកហើយថា សំឡីអនាម័យគឺផលិតឡើងដើម្បីស្រូបយកជាតិសំណើម ដូចនេះវានឹងរីកមាឌកាន់តែធំក្នុងបំពង់បង្ហូរនឹងធ្វើឲ្យមានការកកស្ទះ៕
ចុចអាន ៖