យ៉ាងហោចមានកត្តាប្រាំយ៉ាង នាំឲ្យមានគ្រោះថ្នាក់ចរាចរណ៍រាល់ថ្ងៃ

2018-03-06 00:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

យ៉ាងហោចណាស់មានកត្តាសំខាន់ៗចំនួនប្រាំដែលបង្កឲ្យមានគ្រោះថ្នាក់ចរាចរណ៍ជាប្រចាំក្នុងប្រទេសកម្ពុជា ហើយមានអ្នកស្លាប់ជាមធ្យមជិតប្រាំនាក់ក្នុងមួយថ្ងៃ។ នេះបើតាមរបាយការណ៍សមត្ថកិច្ចសម្រាប់ឆ្នាំ២០១៧។

(អ្នកធ្វើដំណើរមួយចំនួនមិនប្រកាន់ស្តាំនៅពេលធ្វើដំណើរ ពិសេសនៅពេលមានការកកស្ទះម្តងៗ)

បើតាមរបាយការណ៍ដដែល នៅឆ្នាំ២០១៦ មានអ្នកស្លាប់ដោយគ្រោះថ្នាក់ចរាចរណ៍ចំនួន១ ៧១៧នាក់ និងនៅឆ្នាំ២០១៧ មានចំនួន១ ៧៨៩នាក់។

បើតាមរបាយការណ៍ប្រចាំថ្ងៃរបស់នាយកដ្ឋាននគរបាលចរាចរណ៍ និងសណ្តាប់ធ្នាប់សាធារណៈ នៃក្រសួងមហាផ្ទៃ គ្រោះថ្នាក់ចរាចរណ៍កើតឡើងដោយសារបើកបរមិនគោរពសិទ្ធិ ការជែង ការបើកបរលើសល្បឿនកំណត់ ការបើកបរមិនប្រកាន់ស្តាំនិងការបើកបរដោយមានជាតិស្រវឹងក្នុងខ្លួន។

ជាក់ស្តែងកាលពីម្សិលមិញមានមនុស្សបីនាក់បានស្លាប់ដោយសារគ្រោះថ្នាក់ចរាចរណ៍ ហើយមូលហេតុដែលបណ្តាលឲ្យមានគ្រោះថ្នាក់ដល់ស្លាប់នេះគឺ បើកបរលើសល្បឿនកំណត់។ ក្នុងនោះគ្រោះថ្នាក់ដល់ស្លាប់ដោយសារម៉ូតូមានពីរករណី ដែលអ្នកបើកបរមិនពាក់មួកសុវត្ថិភាព និងរថយន្តតូចមួយករណី៕

ចុចអាន៖

អត្ថបទ៖ ទូច សុខា