ម្ចាស់មេដាយមាសថ្នាក់ជាតិ វី សុភ័ស្ស ចេញវ៉ៃក្រៅប្រទេសដំបូង ប្តេជ្ញាយកមេដាយជូនជាតិ

2018-03-07 05:00:03
ចំនួនមតិ 0 | ចំនួនចែករំលែក 0

ចន្លោះមិនឃើញ

ម្ចាស់មេដាយមាសថ្នាក់ជាតិ ២០១៧ ផ្នែកសកល វី សុភ័ស្ស នៅខែមេសា ខាងមុខនេះ បានឱកាសចូលរួមប្រកួតជើងឯកអាស៊ី(យុវជន) នៅថៃ ដែលនេះជាលើកទី១ហើយ សម្រាប់គេចេញប្រកួតក្រៅប្រទេស។

កីឡាករ វី សុភ័ស្ស

វី សុភ័ស្ស បានឲ្យដឹងថា ការចេញទៅលើកដំបូងក្នុងអាជីពប្រដាល់សកលនេះ មិនហ៊ានសង្ឃឹមខ្ពស់នោះឡើយ ដោយសារមានជើងខ្លាំងច្រើនដែលចូលរួមប្រកួតប្រជែងយកមេដាយ ជាពិសេសម្ចាស់ផ្ទះថៃតែម្ដង។ យ៉ាងណា រូបគេសន្យាប្រឹងប្រែងប្រកួតឲ្យអស់ពីសមត្ថភាព ដើម្បីរកមេដាយជូនប្រទេសជាតិ។

កីឡាករ វី សុភ័ស្ស

កីឡាកររូបនេះបន្តទៀតថា ពេលបានចេញទៅប្រកួតនៅក្រៅប្រទេសលើកដំបូងនេះ ពិតជាត្រេកអរខ្លាំង ពីព្រោះជាប់ជម្រើសជាតិច្រើនឆ្នាំហើយ ប៉ុន្តែមិនទាន់មានឱកាសសមស្របដូចពេលនេះ។ និយាយពីសមត្ថភាពវិញក៏មិនទាន់ល្អគ្រប់គ្រាន់នៅឡើយដែរ ដូចជាការវ៉ៃវែងនៅមិនទាន់ស្ទាត់ល្អ ប៉ុន្តែកំពុងហ្វឹកហាត់ពង្រឹងចំណុចទាំងនេះ។ តាមរយៈការចេញទៅប្រកួតនៅប្រទេសនេះ អាចនឹងបានបទពិសោធច្រើននៅពេលបានប្រកួតជាមួយដៃគូខ្លាំងៗ។

កីឡាករ វី សុភ័ស្ស

វី សុភ័ស្ស ជាប្អូនប្រុសបង្កើតរបស់កីឡាការិនី វី ស្រីខូច។ រូបគេជាម្ចាស់មេដាយមាសថ្នាក់ជាតិឆ្នាំ២០១៧ កន្លងទៅនេះក្នុងប្រភេទទម្ងន់ ៦៤គីឡូក្រាម។ នៅថ្ងៃទី១៨ ខែមេសា ឆ្នាំ២០១៨នេះ នឹងត្រូវចេញទៅប្រកួតប្រដាល់សកលជើងឯកអាស៊ី(យុវជន) នៅប្រទេសថៃ៕