បឹងកេតអាចយកឈ្នះ Home United ដល់ទឹកដីបានអត់ល្ងាចនេះ?
- 2018-03-14 03:15:16
- ចំនួនមតិ 0 | ចំនួនចែករំលែក 0
បឹងកេតអាចយកឈ្នះ Home United ដល់ទឹកដីបានអត់ល្ងាចនេះ?
ចន្លោះមិនឃើញ
ក្រុមបឹងកេត នឹងត្រូវតទល់ជាមួយក្រុម Home United របស់សិង្ហបុរីក្នុងជំនួបជើងទី២ នៃព្រឹត្តិការណ៍ AFC Cup 2018 នៅទឹកដីរបស់ក្រុមសិង្ហបុរី នាវេលាម៉ោង ៦:៣០ នាទីល្ងាចនេះ។ ចាំអ៊ុតមើលថា តើក្រុមរបស់កម្ពុជាអាចយកឈ្នះក្រុមរបស់សិង្ហបុរីដល់ក្នុងផ្ទះបានអត់?
បើមើលទៅលើជើងទី១ នៅទឹកដីកម្ពុជា ក្រុមមកពីសិង្ហបុរីមានទម្រង់ការពារ និងយុទ្ធសាស្ត្រប្រយុទ្ធល្អ ប៉ុន្តែពួកគេចាញ់ បឹងកេត ៣-២ ។ ដោយឡែក ជំនួបយប់នេះទំនងបឹងកេតមានភាពពិបាកជាងលើកមុន ដោយសារការប្រកួតធ្វើឡើងនៅទឹកដីសិង្ហបុរី ស្របពេលក្រុម Home United ក៏ត្រូវការជ័យជម្នះ ដើម្បីបន្តក្ដីរំពឹងឡើងទៅវគ្គបន្ត។
ទោះជាយ៉ាងណា លោក កែវ កុសល គ្រូបង្វឹករបស់បឹងកេតធ្លាប់បានអះអាងថា ក្រុមរបស់លោកហាក់មានភាពរីកចំរើន ពីមួយប្រកួតទៅមួយប្រកួតក្នុងពានរង្វាន់នេះ ក្រោយពេលយកឈ្នះ Shan United របស់មីយ៉ាន់ម៉ា ៣-២ កាលប្រកួតទី៣ ក្នុងពូល។ បើក្រឡេកទៅមើលពិន្ទុវិញ បឹងកេតស្ថិតនៅបាតតារាងនៃពូល F ដោយមាន ៣ ពិន្ទុស្មើ Shan United រីឯ Home United មាន ៤ ពិន្ទុស្ថិតនៅលេខ ២៕