ចេញលក់ហើយ Redmi 6 Pro កូនកាត់ iPhone X ធូរថ្លៃតែជាង ១៥០ ដុល្លារ
- 2018-06-25 12:15:00
- ចំនួនមតិ 0 | ចំនួនចែករំលែក 0
ចេញលក់ហើយ Redmi 6 Pro កូនកាត់ iPhone X ធូរថ្លៃតែជាង ១៥០ ដុល្លារ
ចន្លោះមិនឃើញ
ក្រុមហ៊ុន Xiaomi បានប្រកាសចេញផ្សាយជាផ្លូវការនូវស្មាតហ្វូន Redmi 6 Pro រចនាបថក្បាលឆកកាត់តាម iPhone X ជាប្រភេទស្មាតហ្វូនធុនកណ្តាល ធូរថ្លៃចាប់ពី ១៥០ ដុល្លារឡើងទៅ។
បំពាក់នូវឈីប Snapdragon 625 SoC មានអេក្រង់ទំហំ ៥,៨៤ អ៊ីញ កម្រិត ២,២៨០ x ១,០៨០ ភីកសែល មាត្រដ្ឋាន ១៩:៩។ ស្ថិតក្នុងជម្រើស RAM/ROM បីប្រភេទ រួមមាន 3GB+32GB, 4GB+32GB និង 4GB+64GB អមកាមេរ៉ាភ្លោះក្រោយទំហំ 12MP+5MP និងខាងមុខទំហំ 5MP អាចថតរូបបែប HDR និង AI Portrait Mode។
ស្ថិតក្នុងវិមាត្រខ្លួន ១៤៩,៣៣ x ៧១,៦៨ x ៨,៧៥ ម.ម Redmi 6 Pro មានទម្ងន់ខ្លួន ១៧៨ ក្រាម ដំណើរការលើផ្ទៃកម្មវិធី MIUI 9 មានថាមពលថ្ម ៤ ០០០mAh លាយឡំទ្រនាប់ស្កេនខ្ចៅដៃនៅផ្នែកខាងក្រោយម៉ាស៊ីន។
បច្ចុប្បន្នកំពុងបើកឲ្យ Pre-Order ជាមួយការប្រកាសលក់ជាផ្លូវការចាប់ពីថ្ងៃទី ២៦ មិថុនា តទៅក្នុងទីផ្សារប្រទេសចិន ជាមួយតម្លៃ ១៥៣ ដុល្លារ និង ១៨៥ ដុល្លារ (4GB/32GB និង 4GB/64GB)៕
ចុច Like និង See First ដើម្បីទទួលព័ត៌មានបច្ចេកវិទ្យាមុនគេ......
អានអត្ថបទ: