សុខ ធី ជាអ្នកប្រដាល់ទី១របស់កម្ពុជា បានតម្លៃខ្លួន ១ម៉ឺន ពី One Championshiop
- 2018-06-27 03:18:29
- ចំនួនមតិ 0 | ចំនួនចែករំលែក 0
សុខ ធី ជាអ្នកប្រដាល់ទី១របស់កម្ពុជា បានតម្លៃខ្លួន ១ម៉ឺន ពី One Championshiop
ចន្លោះមិនឃើញ
អ្នកប្រដាល់ដែលកំពុងល្បីឈ្មោះនៅកម្ពុជា សុខ ធី ក្លាយជាអ្នកប្រដាល់ទី១ របស់ប្រទេសកម្ពុជា ដែលទទួលបានតម្លៃខ្លួនដល់ទៅ ១ម៉ឺនដុល្លារ ខណៈពីមុនមកមិនទាត់មានកីឡាករណាទទួលបានបែបនេះទេ។
បើតាមការឲ្យដឹងខ្លីពីលោក ហ៊ុន ច័ន្ទរាជ ដែលជាគ្រូប្រចាំក្លឹបប្រដាល់ Cambodian Top Team ថា បើបូកនិងតម្លៃខ្លួនគេសងជំងឺចិត្តចំនួន ៥ពាន់ដុល្លារ នេះទៀតនោះ អ្នកប្រដាល់មកពីខេត្តបន្ទាយមានជ័យខាងលើ បានតម្លៃខ្លួនដល់ទៅ ១ម៉ឺន ដុល្លារហើយ។
គ្រូប្រដាល់ស្រឡាញ់គុនខ្មែររូបនេះបន្ថែមថា តម្លៃខ្លួនសរុបទាំងអស់ ១ម៉ឺន ដុល្លារនេះ ជាតម្លៃខ្លួនឯកត្តកម្មមួយខ្ពស់ជាងគេបំផុត មិនទាន់មានកីឡាករកម្ពុជារូបណាបានតម្លៃខ្លួនច្រើនបែបនេះឡើយ នៅក្នុងកម្មវិធី One Championship។ កូនសិស្សរបស់លោកមួយចំនួនដែលធ្លាប់ចេញទៅពីមុន ទទួលបានតម្លៃខ្លួនខ្ទង់ពានដូចគ្នាប៉ុន្តែមិនច្រើនដល់ សុខ ធី ឡើយ ខណៈមានអ្នកខ្លះឈ្នះបាន ៥ពាន និងបានត្រឹម ២ពាន់ដុល្លារប៉ុណ្ណោះ។
អតីតអ្នកប្រដាល់ MMA រូបបន្ថែមថា មូលហេតុ ម្ចាស់ខ្សែក្រវាត់ គូបូតា ខាងលើបានតម្លៃខ្លួនច្រើនបែបនេះ ព្រោះកម្មវិធីប្រដាល់សេរី ឬប្រដាល់គុនខ្មែរនេះ គេជ្រើសរើសតែលំដាប់កីឡាករដែលល្បីខ្លាំងនៅក្នុងប្រទេស និងមានសមត្ថភាពខ្លាំងទើបបានឡើងប្រកួត។ ណាមួយជាកម្មវិធី ដែល One Championship ទើបបង្កើត One Super Series នេះឡើងសម្រាប់តែអ្នកល្បីប៉ុណ្ណោះ ដូច្នេះហើយតម្លៃខ្លួនក៏វាសមទៅតាមនេះដែរ។
រំលឹកដែរថា កីឡាករវ័យក្មេង សុខ ធី ត្រូវអាជ្ញាកណ្ដាលក្នុងកម្មវិធី One Super Series កាត់សេចក្ដីឲ្យចាញ់ពិន្ទុ ២-១ លើជើងខ្លាំងលំដាប់ប្រទេសរបស់ថៃ Lerdsila កាលពីថ្ងៃទី២៣ ខែមិថុនា ឆ្នាំ២០១៨ នៅឯទីក្រុងម៉ាកាវ។ ដោយមានការតវ៉ាពីគ្រូ និងអ្នកគាំទ្រកម្ពុជាផងនោះ One Championship ក៏យល់ឃើញថាឈ្នះដែរនោះ ក៏សម្រេចសម្របសម្រួលឲ្យសងជំងឺចិត្តឲ្យតម្លៃខ្លួនគុណនិងពីរ ថែមទាំងនឹងដាក់ឲ្យសងសឹកនៅពេលឆាប់ៗនេះផងដែរ៕