កីឡាការិនីខ្មែរនៅអាមេរិក Samontha ផ្ញើលុយជិត៣០០ដុល្លារជួយ ឡុង សុភី ព្យាបាលម្តាយ

2018-07-24 08:45:55
ចំនួនមតិ 0 | ចំនួនចែករំលែក 0

ចន្លោះមិនឃើញ

កីឡាការិនីវ័យក្មេង Samontha ដែលជាក្មួយស្រី កែវ រំចង់ ផ្ញើលុយពីអាមេរិក ជួយសម្រាលថវិកាព្យាបាលជំងឺម្ដាយរបស់ ឡុង សុភី ហើយសរុបទាំងសប្បុរសជនដទៃទៀតនោះបានប្រហែលជិត៣០០ដុល្លារ ផងដែរ។

កែវ រំចង់ ផ្ដល់ថវិកាទៅ ឡុង សុភី

បើតាមការឲ្យដឹងពីកីឡាករ កែវ រំចង់ ថា ក្មួយរបស់លោក Samontha Stephenson និងក្រុមគ្រួសារបានផ្ញើថវិកាសរុប ២៥០ដុល្លារ មកពីសហរដ្ឋអាមេរិក ដើម្បីជួយដល់កីឡាករ ឡុង សុភី យកទៅប្រើប្រាស់លើការចំណាយព្យាបាលម្ដាយដែលកំពុងឈឺសម្រាកនៅមន្ទីរពេទ្យ។

កីឡាការិនី Samontha

ចំណែក កែវ រំចង់ រួមនិងមិត្តភ័ក្ដិដែលនៅឯខេត្តបាត់ដំបងជាមួយគ្នា ក៏បង្កើតជាមូលនិធិមួយប្រមូលថវិកាទៅតាមលទ្ធភាពរៀងខ្លួនៗ បានប្រាក់១៦ម៉ឺនរៀលបន្ថែមទៀតផងដែរ។ លោកក៏សង្ឃឹមថាថវិកាដែលប្រមូលបានទាំងនេះ នឹងបានជួយសម្រាលបន្ទុកក្រុមគ្រួសារ ឡុង សុភី ហើយនេះជាសន្ដានចិត្តក្នុងនាមជាអ្នកកីឡា រួមនិងអ្នកស្រឡាញ់កីឡាផងដែរ។

មិត្តភ័ក្ដិ កែវ រំចង់ ផ្ដល់ថវិកាជួយម្ដាយ ឡុង សុភី

រំលឹកដែរថា ម្ដាយរបស់កីឡាករ ឡុង សុភី មានជំងឺលើសឈាម និងដួលសន្លប់ដាច់សរសៃឈាមខួរក្បាលចំនួនបី កាលពីព្រឹកថ្ងៃសុក្រ ទី២០ ខែកក្កដា ឆ្នាំ២០១៨ នៅឯខេត្តបាត់ដំបង។ ឥលូវនេះម្ដាយរបស់ សុភី កំពុងសម្រាកព្យាបាលជំងឺនេះនៅឯខេត្តបាត់ដំបង៕

អត្ថបទ៖ នួន ស៊ីណា