អាការៈជំងឺម្ដាយ ឡុង សុភី ធូរស្រាលបន្តិចហើយ
- 2018-07-27 01:43:57
- ចំនួនមតិ 0 | ចំនួនចែករំលែក 0
អាការៈជំងឺម្ដាយ ឡុង សុភី ធូរស្រាលបន្តិចហើយ
ចន្លោះមិនឃើញ
នៅពេលនេះស្ថានភាពជំងឺរបស់ម្ដាយកីឡាករ ឡុង សុភី បានធូរស្រាលមួយកម្រិតហើយ អាចហូបបបរបានខ្លះ និងអាចអង្គុយ ហើយនិយាយបានខ្លះផងដែរ ប៉ុន្តែនៅមិនទាន់អាចចេញពីមន្ទីរពេទ្យបានឡើយ។
ឡុង សុភី ប្រាប់ឲ្យដឹងថា នៅពេលនេះម្ដាយរបស់លោក អាចនិយាយ អាចហូបអ្វីបានខ្លះហើយ ប៉ុន្តែគ្រូពេទ្យឲ្យនៅតាមដានស្ថានភាពជំងឺរបស់គាត់បន្តទៀត មិនទាន់អាចអនុញ្ញាតឲ្យចេញទៅផ្ទះនោះឡើយ។
ម្ចាស់ខ្សែក្រវាត់ច្រើនគ្រឿងខាងលើនេះបន្តថា ថ្ងៃនេះតែម្ដង ម្ដាយរបស់ខ្លួនធូរស្រាលច្រើន ហើយបើតាមគ្រូពេទ្យប្រាប់ដែរថា ស្ថានភាពជំងឺធូរស្រាលដល់ទៅ ៥០-៦០ ភាគរយ និងអាចនៅសម្រាកព្យាបាលក្នុងបន្ទប់ធម្មតាបាន។
អ្នកលេងជង្គង់រូបនេះ អរគុណជាខ្លាំងដល់អ្នកស្រឡាញ់គាំទ្រលើរូបលោកទាំងអស់ដែលព្រួយបារម្ភ និងជូនពរក៏ដូចជាជួយជាថវិកាផ្ទាល់ខ្លួនផង ដើម្បីសម្រួលដល់ការព្យាបាលម្ដាយរបស់ខ្លួន។ ក្រៅពីនេះក៏មានការយកចិត្តទុកដាក់ពីគ្រូពេទ្យផ្ទាល់នៅបាត់ដំបងនោះដែរ ដោយស្វះស្វែងមើលព្យាបាលផងដែរ។
ម្ដាយរបស់កីឡាករ ឡុង សុភី មានគ្រោះថ្នាក់ដួលដាច់សរសៃឈាមខួរក្បាលកាលពីថ្ងៃទី២០ ខែកក្កដា ឆ្នាំ២០១៨ កន្លងទៅនៅខេត្តបាត់ដំបង៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
