ម៉ឺន មេឃា មួយរយៈពេលចុងក្រោយនេះ សមត្ថភាពរីកចម្រើនខ្លាំង

2018-08-23 09:21:24
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកប្រដាល់ ម៉ឺន មេឃា ដែលជាកូនប្រុសរបស់ អេ ភូថង រយៈពេលចុងក្រោយនេះ ឃើញគេរីកចម្រើនខ្លាំង និងទទួលបានជ័យជម្នះតាមបណ្ដាសង្វៀនក្នុងស្រុក រួមនិងឈ្នះមេដាយមាសកីឡាជាតិលើកទី២ផងដែរ។

ម៉ឺន មេឃា

ម៉ឺន មេឃា ប្រាប់ឲ្យដឹងថា រយៈពេលប៉ុន្មានប្រកួតចុងក្រោយនេះ គឺឈ្នះរហូតផងដែរ ហើយក៏ដឹងថាខ្លួនវ៉ៃបានល្អខ្លះៗដែរ។ ក្រៅពីនេះក៏ធ្លាប់មានអ្នកទស្សនាផង មិត្តភ័ក្ដិផង បានសរសើរនិងប្រាប់ថាវ៉ៃបានល្អណាស់។

ម៉ឺន មេឃា(ខៀវ)

អ្នកប្រដាល់វ័យ១៧ឆ្នាំរូបនេះ បន្ថែមថា ទន្ទឹមនិងភាពនេះ ខ្លួនក៏នៅជ្រាយត្រង់ចាប់ឡាំជង្គង់ផងដែរ ហើយគួរណាស់តែខំប្រឹងពង្រឹងសមត្ថភាពចំណុចនេះបន្ថែមទៀត បើចង់បានវ៉ៃកម្មវិធីធំៗ ឬបានប៉ះជាមួយបរទេសនៅពេលខាងមុខ។

ម៉ឺន មេឃា(ខៀវ)

ម៉ឺន មេឃា ជាកូនទី២របស់លោក អេ ភូថង បច្ចុប្បន្នជាកីឡាករជម្រើសជាតិថ្នាលប្រដាល់សកលកម្ពុជា និងជាម្ចាស់មេដាយមាសកីឡាជាតិលើកទី២ប៉ុន្មានខែមុននេះ។ មិនថាប្រកួតនៅសង្វៀន CNC TV5 ឬសង្វៀនអាស៊ីអាគ្នេយ៍នោះទេ គឺឈ្នះដៃគូរហូត និងចុងក្រោយផ្ដួល សុខ វិរៈ ឲ្យសន្លប់ទឹកទី២ ដើមខែសីហា ២០១៨៕

អត្ថបទ៖ នួន ស៊ីណា