ម៉ូតូបាត់ព្រឹកមិញនេះ ឡៅ ចន្រ្ទា និង ចិត្រា ចូលលុយគ្នាទិញ

2018-08-23 03:08:58
ចំនួនមតិ 0 | ចំនួនចែករំលែក 0

ចន្លោះមិនឃើញ

ម៉ូតូ YAMAHA-MSLAZ ដែលកីឡាករ ឡៅ ចន្រ្ទា បាត់កាលពីព្រឹកម៉ោង៤នេះ គឺចូលលុយគ្នាជាមួយប្អូនប្រុសពៅ ឡៅ ចិត្រា ទិញកាលពីប៉ុន្មានខែមុននេះ និងឃើញកីឡាកររូបនេះជិះមកហ្វឹកហាត់ជម្រើសជាតិកន្លងមកផងដែរ។

ឡៅ ចន្រ្ទា និង ឡៅ ចិត្រា

កីឡាករ ឡៅ ចន្រ្ទា ធ្លាប់ប្រាប់ថា ម៉ូតូ YAMAHA-MSLAZ ឆ្នាំ២០១៧ ពណ៌លឿង ផ្លាកលេខ កំពង់ស្ពឺ 1I-3896 រូបគេទិញក្នុងតម្លៃជិត ៣ពាន់ដុល្លារ ប្រភេទម៉ូតូមួយទឹកមកពីប្រទេសថៃ។ ចំណែកលុយដែលទិញនេះទៀតសោត គឺចូលគ្នាជាមួយប្អូន។

រូបភាពហ្វេសបុក ឡៅ ស៊ីណាត

ចំណែកអតីតអ្នកប្រដាល់ ឡៅ ស៊ីណាត ក៏បានបង្ហោះលើហ្វេសបុកផ្ទាល់ខ្លួនអំពីការបាត់ម៉ូតូប្អូនប្រុសរបស់ខ្លួនផងដែរ ក្នុងនោះមានដាក់រូបភាពម៉ូតូ និងកាតគ្រីម៉ូតូដែលបាត់បង់ទៅនោះ()។ ចៅក្រមនៅសង្វៀនបាយ័នរូបនេះ ក៏សូមជូនដំណឹងដល់សមត្ថកិច្ចនានាបើបានឃើញជួនឃាត់ទុកមួយនេះផង ឬអាចទាក់ទងលោកផ្ទាល់តាមលេខ ០៩៣ ៨៩១ ៦៦៨។

កីឡាករ ឡៅ ចន្រ្ទា

បញ្ជាក់ផងដែរ កីឡាករ ឡៅ ចន្រ្ទា បាត់ម៉ូតូកាលពីព្រឹកម៉ោង៤ ថ្ងៃព្រហស្បតិ៍ ទី២៣ ខែសីហា ឆ្នាំ២០១៨ នៅក្លឹបហាត់ប្រដាល់ឆត្រយោង៩១១ ឯកំបូល។ ប្រសិនបើប្អូនណាដែលបានឃើញម៉ូតូមានផិនភាព និងផ្លាកលេខដូចខាងលើជួយទាក់ទងមកគាត់ផង អាណិតអ្នកប្រដាល់កម្ពុជាទម្រាំបានលុយទិញបែកមុខបែកមាត់៕

អត្ថបទ៖ នួន ស៊ីណា