លែងហត់អានពាក្យមិនល្អ ឆាប់ៗនេះ Comment លើ Facebook អាច Ban បានដោយសេរី

2018-11-28 14:21:00
ចំនួនមតិ 0 | ចំនួនចែករំលែក 0

ចន្លោះមិនឃើញ

Facebook ដែលជាបណ្តាញសង្គមប្រមូលផ្តុំដោយការចែកចាយព័ត៌មាននិងការកម្សាន្ត ក្នុងលក្ខខណ្ឌខ្លះក៏មានផ្ទុកនូវពាក្យពេចន៍ឆ្លើយឆ្លងអាក្រក់ដែលធ្វើឲ្យអ្នកអានមានអារម្មណ៍មិនពេញចិត្ត។ ឆ្លើយតបនឹងបញ្ហានេះ យោងតាមគណនី Jane Manchun Wong បានបង្ហើបនូវមុខងារថ្មីមួយលើ Facebook ដែលអាចកែសម្រួលចំណុចនេះបានយ៉ាងប្រសើរ។

យោងតាមរូបភាព Screenshot ពីគណនី Wong បង្ហោះលើ Twitter បង្ហាញថាអ្នកប្រើប្រាស់នឹងមានសិទ្ធអាចធ្វើការហាមឃាត់ (Ban) នូវពាក្យ ឃ្លា ឬសូម្បីតែ Emoji ណាមួយលើប្រអប់ Comment នៃ Timeline លែងឲ្យឃើញជារៀងរហូត ប៉ុន្តែសម្រាប់ម្ចាស់ដើម Comment និងមិត្តភ័ក្ដិរបស់ពួកគេនៅអាចមើលឃើញជាធម្មតា។

ការកែសម្រួលនេះក៏ល្អម្យ៉ាង ព្រោះពេលខ្លះទម្លាប់នៃការអានពាក្យមិនល្អ ក៏ជាហេតុនាំឲ្យប៉ះពាល់អារម្មណ៍ផ្លូវចិត្តអ្នកប្រើប្រាស់។ រំឭកថាមិនត្រឹម Facebook នោះទេ កន្លងទៅសូម្បីតែ Instagram និង Twitter ក៏ចាត់វិធានការយ៉ាងម៉ឺងម៉ាត់លើការអនុញ្ញាតឲ្យអ្នកប្រើមានសិទ្ធតម្រង់នូវប្រភេទ Comment ឬសារដែលពួកគេចង់បានតាមរយៈការកំណត់ Keyword។