ស្លាប់យ៉ាងហោច ១៨នាក់គួរឲ្យរន្ធត់ ក្រោយបំផ្ទុះគ្រាប់បែកផ្ទួនគ្នានៅវិហារហ្វីលីពីន

2019-01-28 08:08:57
ចំនួនមតិ 0 | ចំនួនចែករំលែក 0

ចន្លោះមិនឃើញ

យ៉ាងហោចណាស់មនុស្ស ២១នាក់ត្រូវបានសម្លាប់ក្រោយការបំផ្ទុះគ្រាប់បែកផ្ទួនៗគ្នាពីរលើកនៅវិហារសាសនាកាតូលិកមួយក្នុងប្រទេសហ្វីលីពីនកាលពីថ្ងៃអាទិត្យសប្ដាហ៍មុន។

យោងតាមយោធារដ្ឋាភិបាលថ្លែងក្នុងសេចក្តីថ្លែងការណ៍មួយថា ការវាយប្រហារនេះ ត្រូវបានធ្វើឡើងនៅវិហារមួយនៃខេត្ត Jolo ភាគនិរតីប្រទេសហ្វីលីពីនដែលបណ្ដាលឲ្យមនុស្សយ៉ាងតិច ២១នាក់ស្លាប់ និងជាង ៧០នាក់ទៀតរងរបួស។ ដំបូងឡើងគ្រាប់បែក ត្រូវបានបំផ្ទុះនៅក្នុងព្រះវិហារដែលបណ្ដាលឲ្យមនុស្សរងរបួសជាច្រើននាក់ បន្ដិចក្រោយមកក៏ស្រាប់តែមានការបំផ្ទុះមួយផ្សេងទៀតនៅកន្លែងចតយានជំនិះខាងក្រៅវិហារ ដែលសម្លាប់ទាហាន និងជនស៊ីវិលបន្ថែមខណៈដែលពួកគេរត់មកជួយជនរងគ្រោះក្នុងព្រះវិហារ។

ជាមួយគ្នាដែរ ការវាយប្រហារនេះ ត្រូវបានអះអាងថាជាទង្វើរបស់ក្រុមរដ្ឋអ៊ីស្លាមដែលជាតំបន់កាន់កាប់របស់ពួកគេភាគច្រើន។ រដ្ឋាភិបាលបានហៅការបំផ្ទុះគ្រាប់បែកនេះថា ជាការវាយប្រហារដ៏អាក្រក់បំផុតមួយក្នុងរយៈពេលប៉ុន្មានឆ្នាំចុងក្រោយ ដែលក្រុមរដ្ឋអ៊ីស្លាមនៅតែជាការគំរាមកំហែងសម្រាប់ប្រជាជនក្នុងតំបន់។

គួរឲ្យដឹងដែរថា ហេតុការណ៍នេះកើតឡើងក្រោយពេលដែលប្រជាជនអ៊ីស្លាម ត្រូវបានបោះឆ្នោតឲ្យមានការគ្រប់គ្រងបន្ថែមនៅភាគខាងត្បូងដែលពួកគេគ្រោងនឹងបំបែកខ្លួនក្នុងឆ្នាំ ២០២២៕