ក្លាសេសាច់មាន់ដល់កក អាចកាត់បន្ថយមេរោគ

2014-11-19 17:18:49
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រធានផ្នែកសុខភាពម្នាក់ នៅប្រទេសអង់គ្លេស បាននិយាយកាលពីម្សិលមិញនេះថា គ្រួសារទាំងឡាយគួរក្លាសេសាច់មាន់ដល់កក ប្រសិនបើចង់ជៀសឆ្ងាយពីសារធាតុពុល និងមេរោគដែលមាននៅក្នុងសាច់មាន់នោះ។

សាច់មាន់ច្រកថង់ក្លាសេនៅកន្លែងកក

អស់រយៈពេលជាច្រើនទសវត្សរ៍មកហើយ ដែលអ្នកលក់ ក៏ដូចជាមន្ត្រីពាក់ព័ន្ធ បានទទួលស្គាល់ថា មេរោគប្រភេទ campylobacter ពិតជារីកដុះដាលពាសពេញកសិដ្ឋានដែលចិញ្ចឹមសត្វបក្សី ប៉ុន្តែពុំដែលមានចំណាត់ការណាមួយដើម្បីបញ្ចៀសបញ្ហាទាំងនេះឡើយ។ ជំនួសមកវិញ មន្ត្រីផ្នែកសុខភាពសាធារណៈរបស់អង់គ្លេស បានផ្ដល់ដំបូន្មានឲ្យអ្នកទទួលទានសាច់មាន់ទាំងនោះ ការពារខ្លួនពីមេរោគ ដោយក្លាសេមាន់ទាំងនោះរហូតដល់កក បន្ទាប់ពីទិញរួច និងមុនពេលចម្អិន។

មន្ត្រីសុខភាពឈ្មោះ Frieda Jorgensen បានបញ្ជាក់ថា ក្លាសេសាច់មាន់ដល់កក អាចកាត់បន្ថយបានរហូតដល់ទៅ ៩០ភាគរយ នៃចំនួនមេរោគ campylobacter ដែលមាននៅក្នុងសាច់មាន់នោះ។ ទោះយ៉ាងណា ក្រុមអតិថិជនបាននិយាយ អ្នកលក់គួរទទួលខុសត្រូវចំពោះសុវត្ថិភាពអាហារដែលពួកគេទិញ។

មេរោគប្រភេទ campylobacter ដែលមាននៅក្នុងសាច់មាន់

ជាទូទៅមាន់ ៦ក្បាល ក្នុងចំណោម ១០ក្បាល ដែលលក់នៅតាមផ្សារទំនើបមានផ្ទុកមេរោគតូចៗដ៏សាហាវជាច្រើនដែលធ្វើឲ្យប៉ះពាល់ដល់សុខភាពមនុស្សកន្លះលាននាក់ក្នុងមួយឆ្នាំ។ ក្នុងចំណោមនោះ ប្រហែល ១០០នាក់បានស្លាប់ដោយសារការក្អួតចង្អោរ និងបញ្ហាក្រពះ។ នេះបើគេគិតតែនៅក្នុងចក្រភពអង់គ្លេសមួយប៉ុណ្ណោះ៕

ចុចអាន៖ ហេតុផល៨យ៉ាងដែលអ្នកគួរញ៉ាំត្រីបន្ថែមទៀត

ចុចអាន៖ ផឹកទឹកដោះគោច្រើន គ្មានប្រយោជន៍ ហើយបង្កគ្រោះថ្នាក់ដល់ជីវិត

ប្រែសម្រួល៖ គង់ វិសាល

ប្រភព៖ dailymail