ជំនឿហ្វីលីពីនអ្វីខ្លះដូចខ្មែរ?

2014-11-20 21:44:24
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកណាបោសសម្អាតផ្ទះពេលយប់ អ្នកនោះនឹងបាត់បង់លាភឬទ្រព្យសម្បត្តិ។ នេះជាអប្បិយជំនឿមួយក្នុងចំណោមជំនឿរាប់រយរាប់ពាន់របស់ហ្វីលីពីន ដែលដូចនឹងជំនឿរបស់ខ្មែរដែរ។ ក្រៅពីជំនឿមួយនេះ តើជំនឿអ្វីទៀតដែលដូចខ្មែរ?

ជំនឿសំណាងល្អ

១. បាចអង្ករពេលរៀបការ នឹងនាំភាពចម្រុងចម្រើនដល់គូស្វាមីភរិយាថ្មី ហើយពួកគេនឹងមានកូនល្អៗ។

២. បើនារីណាម្នាក់កាន់សំលៀកបំពាក់កូនក្រមុំ នារីនោះនឹងរៀបការក្នុងពេលដ៏ខ្លីខាងមុខ។

៣. បើកបង្អួចនៅពេលព្រឹកព្រលឹម សំណាងនឹងមករក។

៤. ក្មេងកើតមានស្នាមដៅលើដងខ្លួន ក្មេងនោះជាក្មេងនាំលាភសំណាង។

៥. បើអ្នកណាឃើញពស់វារកាត់ផ្លូវ អ្នកនោះនឹងមានសំណាង។

៦. បើសុកម្ដាយមិនត្រូវគេយកទៅកប់ទេ ក្មេងនឹងមានបញ្ហា។

៧. មនុស្សត្រចៀកធំ នឹងមានអាយុវែង។

៨ .ក្មេងកើតមកមានម្រាមដៃលើស ជាក្មេងមានសំណាង។

៩. បួងសួងសុំអ្វីពេលទេពច្យុតិចុះ ការបួងសួងនឹងក្លាយជាការពិត។ ១០. អ្នកណាមានកូនកើតមកត្រចៀកថ្លង់ អ្នកនោះមានសំណាង។

ជំនឿសំណាងអាក្រក់

១. ស្ត្រីមិនគួរលសំលៀកបំពាក់ មុនពេលរៀបការទេ បើមិនដូច្នេះពិធីនឹងមិនកើតឡើងឡើយ។

២. បើអ្នកណាឃើញឆ្មាខ្មៅឆ្លងកាត់ផ្លូវ អ្នកនោះនឹងមានរឿងអាក្រក់កើតឡើង។

៣. ពេលកំពុងធ្វើផ្ទះ ហើយជាងជួបគ្រោះថ្នាក់អ្វីមួយ ម្ចាស់ផ្ទះនឹងជួបតែរឿងអកុសលក្នុងជីវិត។ ៤. ស្ត្រីណាច្រៀងពេលកំពុងដាំបាយ ឬចម្អិនអាហារ ស្ត្រីនោះនឹងបានប្ដីពោះម៉ាយ។ ៥. បើស្ត្រីណាកាត់សក់ពេលមានផ្ទៃពោះ កូនកើតមកនឹងមានសក់តិច។

៦. ក្មេងណាដេកលើតុ ធំឡើងនឹងរៀបការជាមួយស្ត្រីមេម៉ាយ។

៧. បើអ្នកណាឱ្យលុយគេតាមបង្អួច អ្នកនោះនឹងក្រ។

៨. អ្នកណាសិតសក់មុខសាកសព សក់អ្នកនោះនឹងចេះតែជ្រុះ។

៩. ពេលឆ្មាលេងទឹក នឹងមានព្យុះកើតឡើង។

១០. គេមិនដែលសង់បំណុលពេលយប់ទេ ព្រោះនឹងមានសំណាងអាក្រក់៕

ចុចអាន! ជំនឿឆ្មាខ្មៅកន្លងសព ស្ដាប់ហើយព្រឺក្បាលខ្ញាក!

ចុចអាន! ក្បួនជ្រើសឆ្នាំយកបុត្រធីតា កុំឲ្យឆុងរកស៊ីមានបាន

ប្រែសម្រួល៖ អ៊ុំ សុភក្តិ

ប្រភព៖ philippineculture