អីចឹងមែនអត់ Cloud Storage សម្លាប់ទូរសព្ទ Memory ខ្ពស់?

2014-12-01 18:31:11
ចំនួនមតិ 0 | ចំនួនចែករំលែក 0

ចន្លោះមិនឃើញ

ស្របពេលដែលសេវាកម្ម Store ទិន្នន័យអនឡាញ Cloud Storage កំពុងរីកដុះដាល និងទទួលបានការចាប់អារម្មណ៍ពីអ្នកប្រើប្រាស់ ការជ្រើសរើសទូរសព្ទដែលមាន Memory ខ្ពស់ ហាក់លែងជាទីចាប់អារម្មណ៍ និងដែលបាននាំឲ្យតម្រូវការទិញប្រើប្រាស់មានការធ្លាក់ចុះ។

លោក ប៊ុន ហុង ម្ចាស់ហាងលក់ទូរសព្ទអង្គរធំប្រាប់ថា ជាការពិតណាស់ទីផ្សារប្រទេសកម្ពុជា គេនិយមប្រើទូរសព្ទដែលមានទំហំ Memory តូច ដោយសារកត្តាតម្លៃនិងការប្រើប្រាស់។

"ពេលនេះចាប់ផ្តើមមានសេវាកម្ម Cloud Storage ដែលអាចផ្ទុកទិន្នន័យអនឡាញថែមទៀត ដែលនេះធ្វើឲ្យការលក់ទូរសព្ទដែលមាន Memory ខ្ពស់កាន់តែធ្លាក់ចុះ"។

“ក្នុងមួយខែៗលក់បាន ១ ទៅ ២ គ្រឿងប៉ុណ្ណោះ ហើយក៏មិនសូវមានគេសួរនាំច្រើននោះដែរ”។ នេះជាការត្អូញត្អែររបស់អាជីវករលក់ទូរសព្ទមួយរូបទៀត។

លោក សុធី ម្ចាស់ហាងលក់ទូរសព្ទដៃសុធីប្រាប់ថា តម្លៃខុសគ្នាពី១០០ ទៅ ២០០ ដុល្លារអតិថិជនភាគច្រើនគេជ្រើសរើសយកទូរសព្ទដែលមាន Memory តូច ដែលអាចកាត់បន្ថយការចំណាយលើការទិញប្រើប្រាស់។ សេវាកម្ម Store ទិន្នន័យមានកាន់តែច្រើន ធ្វើឲ្យទីផ្សារលក់ទូរសព្ទដែលមានទំហំធំគឺពិបាកលក់ចេញតែម្តង។

ម្ចាស់ហាងរូបនេះបន្តថា ទូរសព្ទ Memory ខ្ពស់ឬទាប សមត្ថភាពដូចគ្នានោះទេ ប៉ុន្តែខុសគ្នាតែត្រង់តម្លៃថោកនិងថ្លៃជាងតែប៉ុណ្ណោះ។

ជាអ្នកនិយមប្រើសេវា Cloud Storage ជាប្រចាំមួយរូបលោកជា សំណាង និស្សិតសាកលវិទ្យាល័យបញ្ញាសាស្ត្របានឲ្យដឹងថា ការទិញទូរសព្ទដែលមាន Memory ខ្ពស់ ហើយដែលមានតម្លៃថ្លៃជាការចំណាយលុយឥតប្រយោជន៍ ខណៈដែលមានសេវាកម្មជាច្រើន ផ្តល់ឲ្យអ្នកប្រើប្រាស់អាច Store ទិន្នន័យដោយឥតគិតថ្លៃ។ ជាក់ស្តែង សេវាកម្ម iCloud,Drop Box និង SkyDrive ជាដើម អ្នកប្រើប្រាស់អាច Store ទិន្នន័យជាច្រើន GB ហើយក៏មានសុវត្ថិភាពនោះដែរ។

ជាមួយសមត្ថភាពផ្ទុកទិន្នន័យដ៏អស្ចារ្យ សេវាកម្ម Cloud Storage ធ្វើឲ្យគេងាយស្រួលក្នុងការទុកដាក់ឯកសារបានទាំងសុវត្ថិភាពនិងអាចប្រើប្រាស់បានគ្រប់ទីកន្លែង។

អានអត្ថបទ៖ ជនអនាមិកលួចជ្រៀតចូល Facebook កាន់តែក្តៅគគុកផ្អើលអ្នកកម្សាន្តតៗគ្នា

អានអត្ថបទ៖ កំពូលស្មាតហ្វូនទាំង ៤ គីឡូធ្ងន់ហ៊ានតតាំង iPhone 6/6Plus

អានអត្ថបទ៖ ចំណាយពេលបន្តិចស្វែងយល់ពីក្តារចុចខ្មែរលើ iOS 8

អត្ថបទ៖ ដារ៉ាឆានី