មតិចម្រូងចម្រាសរឿង GalaxyS6 មានរូបរាងស្រដៀង iPhone6
- 2015-03-04 16:50:10
- ចំនួនមតិ 0 | ចំនួនចែករំលែក 0
មតិចម្រូងចម្រាសរឿង GalaxyS6 មានរូបរាងស្រដៀង iPhone6
ចន្លោះមិនឃើញ
៣ ថ្ងៃកន្លងទៅហើយស្មាតហ្វូនត្រកូល S នៃក្រុមហ៊ុន Samsung ជំនាន់ទី ៦ ប្រកាសជាផ្លូវការដោយមានរូបរាងស្រដៀងទៅនឹង iPhone 6/6Plus របស់ក្រុមហ៊ុនយក្ស Apple។ ដូចនេះមានយុវវ័យក៏ដូចជាប្រិយមិត្ត Apple និង Samsung បានបញ្ចេញមតិវាយតម្លៃខុសៗគ្នារវាងស្មាតហ្វូនទាំង ២ នេះ។
លោក អឿន វណ្ណារ៉ា មន្ត្រីក្របខណ្ឌរដ្ឋមួយរូបបានឲ្យដឹងថា Galaxy S6 របស់ Samsung ជំនាន់ថ្មីនេះមិនចម្លងរាងពី iPhone ទេ។ លោកបន្តថា ប្រិយមិត្តមួយចំនួនប្រហែលជាភ្លេចថា ពីមុនរូបរាងរបស់ iPhone បែបណា ហើយ ទូរសព្ទរបស់ក្រុមហ៊ុន Samsung គឺមានរូបរាងមូលតាំងពីយូរណាស់ ហើយមានអេក្រង់ធំទៀត តែ iPhone 6 Plus ទេដែលចម្លងចេញពី Samsung និង HTC បើនិយាយពីលក្ខណៈ សម្បត្តិ Samsung កាន់តែអស្ចារ្យ។
ចំណែកលោក ឈាង សីហនីវត្តន៏ និស្សិតពេទ្យមួយរូប បានដឹងថាដែរថា ស្មាតហ្វូនទាំង ២ នេះគឺមិនដូចគ្នា ១០០ ភាគរយទេគ្រាន់តែប្រហាក់ប្រហែលតែប៉ុណ្ណោះ។ លោកបន្តថា បើនិយាយកាលពីមុនមានអ្នកបង្អាប់ Apple ថាដោះថ្មមិនបាន តែឥឡូវបែរជា Samsung ធ្វើដោះថ្មអត់បានដែរ។
បើគិតទៅតាមខ្ញុំស្មាន៖ "លើកាមេរ៉ាវិញមិនបានចម្លងគ្នាមែនតែមើលទៅកាមេរ៉ាមុខនិងក្រោយរបស់ Galaxy S6 ច្បាស់បានតែពេលមើលក្នុងទូរសព្ទតែប៉ុណ្ណោះ បើយករូបមកក្រៅវិញគឺចាញ់រូបភាពដែលថតចេញពីកាមេរ៉ា iPhone ដាច់ព្រោះទូទៅគឺអេក្រង់ទូរសព្ទ Samsung ភាគច្រើនធ្វើឡើងដោយមើលទៅឃើញស្អាត"។
បែរមក លោក ធីភាព សច្ចះវិទ្យា និស្សិតសាកលវិទ្យាល័យភូមិន្ទកសិកម្មមួយរូប បានបញ្ចេញមតិថា ការប្រើ iPhone 6/6Plus គឺជាការនិយមប្រើតាមគ្នាតែប៉ុណ្ណោះ បើគិតពីលក្ខណៈសម្បត្តិវិញគឺដូចគ្នាទៅនឹង Galaxy S6 ឬ សឹងនឹងចាញ់ Galaxy S6 ផង។ លោកបន្តថា៖ "ម្យ៉ាងវិញទៀតការប្រើប្រាស់គឺអាស្រ័យទៅតាមចំណង់ចំណូលចិត្តអ្នកប្រើប្រាស់ បើយើងចូលចិត្តអីយើងប្រើនឹងទៅកុំបង្អាប់របស់គេធ្វើអីឲ្យតែរបស់យើងល្អទៅ"។
សច្ចះវិទ្យា បន្ថែមថា សម្រាប់តម្លៃ iPhone មានតម្លៃថ្លៃយ៉ាងណាក៏ដោយ នេះគ្រាន់តែការនិយម ប្រើតាមគ្នារបស់អ្នកប្រើក្នុងស្រុកខ្មែរតែប៉ុណ្ណោះបើងាកទៅមើលតម្លៃក្នុងពិភពលោកគ្មានអ្វីលើសគ្នាពីស្មាតហ្វូនដទៃប៉ុន្មាននោះទេ។
ចុចអាន៖ យុវវ័យយល់ឃើញខុសគ្នាលើការជ្រើសរើសស្មាតហ្វូន
ចុចអាន៖ QR Code បច្ចេកវិទ្យាថ្មី អ្នកចាប់អារម្មណ៍ក៏ខ្លាំង អ្នកងឿងឆ្ងល់ក៏ខ្លាំង
ចុចអាន៖ អីចឹងមែនអត់ Cloud Storage សម្លាប់ទូរសព្ទ Memory ខ្ពស់?
អត្ថបទ៖ ដារ៉ាឆានី