លោកយាយគាំទ្រ Liverpool ១០៣ឆ្នាំ ទទួលកាដូខួបកំណើតគាប់ចិត្តពី...

2014-10-08 15:39:47
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកគាំទ្រស្មោះស្ម័គ្រម្នាក់នៃក្រុមហង្សក្រហម Liverpool លោកយាយ Betty Musker ធ្លាប់ត្រូវបានគេសួរថាតើលោកយាយចង់បានអ្វីក្នុងថ្ងៃខួបកំណើតឈានចូលអាយុ១០៤ឆ្នាំ? លោកយាយបានតបវិញថាអត់ចង់បានអ្វីច្រើនក្រៅពីកាតជូនពរនោះទេ ពីព្រោះលោកយាយស្រលាញ់កាត។ ប៉ុន្តែ លោកយាយមិនរំពឹងថានឹងទទួលបានកាតច្រើននោះទេ ដោយសារភាគច្រើននៃមិត្តភ័ក្តលោកយាយបានស្លាប់អស់ទៅហើយនោះ។

យ៉ាងណាក្ដី អ្វីៗបានខុសពីការរំពឹងទុករបស់លោកយាយ ដោយសារតែអ្នកគាំទ្រ Liverpool ដទៃទៀត បានរៀបចំយុទ្ធនាការមួយក្នុង Facebook ដែលធ្វើឲ្យលោកយាយទទួលបានកាតមិនតិចជាង៤០០០កាតនោះទេ បើទោះបីជាថ្ងៃខួបកំណើតរបស់លោកយាយ ទាល់តែថ្ងៃ២៤ តុលា ទើបដល់ក៏ដោយ។

យោងតាមការឲ្យដឹងពីអ្នកមើលថៃលោកយាយម្នាក់ដែលមានឈ្មោះថា Lorraine Marshall បានបញ្ជាក់ប្រាប់គេហទំព័រ Liverpool Echo ថា លោកយាយបានមើលគ្រប់ការប្រកួតរបស់ Liverpool ទោះបីជាមានវ័យចំណាស់ក្ដី។ លោកយាយគឺជាអ្នកគាំទ្រដ៏ស្មោះស្ម័គ្រម្នាក់៕