ពិភពលោក​បច្ចុប្បន្ន​កំពុង​តែ​មាន​បញ្ហា​ក្ដៅ​គគុក​ជាមួយ​នឹង​វិបត្តិ​ធ្ងន់ធ្ងរ​ជាច្រើន ​ដែល​ធ្វើ​ឲ្យ​មេដឹកនាំ​សំខាន់​ៗ​ក្នុង​ពិភពលោក​មាន​ការ​ព្រួយបារម្ភ​យ៉ាង​ខ្លាំង។ ចង់​ដឹង​ថា​បញ្ហា​អ្វី​ខ្លះ​ដែល​ពិភពលោក​កំពុង​ចាប់​អារម្មណ៍​នោះ? Sabay នឹង​បង្ហាញ​ពី​បញ្ហា​សំខាន់​ៗ​៩​ដូច​ខាង​ក្រោម​នេះ៖

១. ប្រទេស​ជាង​៣០​​ត្រូវ​កោះ​ប្រជុំ​នៅ​ទីក្រុង​ប៉ារីស​កាល​ពី​ថ្ងៃច័ន្ទ​ដើម្បី​ពិភាក្សា​គ្នា​ពី​យុទ្ធសាស្ត្រ​ប្រយុទ្ធ​កម្ចាត់​ក្រុម​អ៊ីស្លាម​ជ្រុល​និយម។ រដ្ឋមន្ត្រី​ក្រសួងការពារជាតិ​អាមេរិក​លោក​  John Kerry​ បាន​ព្យាយាម​ស្វែងរក​ការ​គាំទ្រ​ដើម្បី​វាយ​ប្រហារ​តាម​អាកាស​ប្រឆាំង​នឹង​ក្រុម​ជីហាត។

២.រដ្ឋ​អា​រ៉ាប់​ទាំង​១០​ រាប់​ទាំង​ប្រទេស​អារ៉ាប៊ីសាអ៊ូឌីត​ កាតា​ និង​ ប្រទេស​អេហ្ស៊ីប​នឹង​ចូលរួម​សន្និសីទ​ទីក្រុង​ប៉ារីស។ ប្រភព​គួរ​ឲ្យ​ទុកចិត្ត​បាន​និយាយ​ប្រាប់​ the Guardian​ ថា ​ប្រទេស​អារ៉ាប៊ីសាអ៊ូឌីត​មាន​អារម្មណ៍​ថា ​រង​ការ​គំរាមកំហែង​ពី​រដ្ឋ​អ៊ីស្លាម​ជ្រុលនិយម​ ម្ល៉ោះ​ហើយ​សម្រេច​ចូល​រួម​សកម្មភាព​យោធា​ប្រឆាំង​នឹង​ក្រុម​នេះ​ ដែល​ដឹកនាំ​ដោយ​សហរដ្ឋអាមេរិក។

-អាន​អត្ថបទ៖ ធ្លាក់​យន្តហោះ​ស្លាប់​អតីត​ប្រធាន​ក្រុមហ៊ុន​អាកាសចរណ៍ និង​ប្រពន្ធ​​

៣.នាយករដ្ឋមន្ត្រី​អង់គ្លេស​លោក​  David Cameron ​មាន​ប្រតិកម្ម​កាលពី​ថ្ងៃ​អាទិត្យ​ ដែល​ក្រុម​ ISIS បាន​សម្លាប់​អ្នក​ធ្វើការ​ផ្នែក​មនុស្ស​ធម៌​ជនជាតិ​អង់គ្លេស​ លោក​ David Haines។ ប្រទេស​អង់គ្លេស​មិន​ទាន់​បាន​យល់​ព្រម​នៅឡើយ​ទេ​ក្នុង​ការ​ចូលរួម​ជាមួយ​សហរដ្ឋអាមេរិក​ក្នុង​ការ​វាយប្រហារ​តាម​អាកាស​ទៅ​លើ​ក្រុម​សកម្ម​ប្រយុទ្ធ​នៅ​ក្នុង​ប្រទេស​ស៊ីរី​ និង​ ប្រទេស​អ៊ីរ៉ាក់។

៤. គ្រាន់តែ​បី​ថ្ងៃ​បន្ទាប់​ពី​ប្រទេស​ស្កុតឡែន​ធ្វើ​ប្រជាមតិ​ លោក​ David Cameron ​បាន​ធ្វើ​ការ​ព្រមាន​ចុង​ក្រោយ​ទៅ​ប្រទេស​ស្កុតឡែន​អំពី​ផល​ប៉ះពាល់​ដែល​ចង់​ផ្ដាច់​ទំនាក់ទំនង​ជាមួយ​ប្រទេស​អង់គ្លេស។

៥.កាល​ពី​ថ្ងៃអាទិត្យ ​ព្រះ​មហាក្សត្រី​បាន​ឲ្យ​ដំបូន្មាន​ទៅ​ប្រទេស​ស្កុតឡែន​មិន​ឲ្យ​មាន​ការ​បោះឆ្នោត​ក្នុង​ការ​ពិភាក្សា​គ្នា​អំពី​ឯករាជ្យ​ប្រទេស​ស្កុតឡែន​ទេ។ នេះ​ជា​លើក​ទី​មួយ​ហើយ​ដែល​ព្រះ​មហាក្សត្រី​បាន​និយាយ​ពី​បញ្ហា​ឯករាជ្យ​ប្រទេស​ស្កុតឡែន​ជា​សាធារណៈ។

៦.មេដឹកនាំ​នៃ​គណបក្ស​សង្គម​ប្រជាធិបតី​លោក​ Stefan Lofven ​បាន​ធ្លាក់​ពី​ដំណែង​នាយករដ្ឋមន្ត្រី​ប្រទេស​ស៊ុយអែត​ដោយ​ចាញ់​លោក​ Fredrik Reinfeldt ​ក្នុង​ការ​បោះឆ្នោត​កាល​ពី​ថ្ងៃអាទិត្យ។ បើ​យោង​តាម​កាសែត​ The Times ​បាន​ឲ្យ​ដឹង​ថា "ការធ្លាក់​ចេញ​ពី​តំណែង​របស់​លោក​  Reinfeldt ជា​រឿង​អាក្រក់​មួយសម្រាប់​​លោក​ Cameron។

៧.ពិភពលោក​ឥឡូវ​នេះ​កំពុងតែ​ផ្ដោត​ទៅលើ​បញ្ហា​ប្រទេស​ស្កុតឡែន​ ប៉ុន្តែ​លោក​ Joe Weisenthal បាន​និយាយ​ថា​ "ស្ថានភាព​​មាន​ការ​ផ្ទុះ​កាន់តែ​ខ្លាំង​ឡើង​ក្នុង​ប្រទេស​អេស្ប៉ាញ"​ ជា​កន្លែង​ដែល​សកម្មជន​ Catalan​ ត្រូវ​បាន​គេ​រៀបចំ​ឲ្យ​មាន​ការ​បោះឆ្នោត​នៅ​ខែ​វិច្ឆិកា​ ដើម្បី​សម្រេច​ថា​តើ​តំបន់​នេះ​ត្រូវ​បំបែក​ចេញ​ពី​ប្រទេស​អេស្ប៉ាញ​ ឬ​យ៉ាងណា។

-អាន​អត្ថបទ៖ ​ភ្នំភ្លើង​ស្អាត​ដាច់​គេ​ទាំង​៧​នៅ​លើ​ពិភពលោក

៨.លោក​ប្រធានាធិបតី​អាមេរិក​ ប៉ារ៉ាក់ អូបាម៉ា​ ត្រូវ​បាន​គេ​រំពឹង​ថា​នឹង​បង្ហាញ​ពី​យុទ្ធសាស្ត្រ​សម្រាប់​ប្រយុទ្ធ​ប្រឆាំង​នឹង​ការ​ផ្ទុះ​ឡើង​នូវ​ជំងឺ​ អេបូឡា។ ក្នុង​ដំណើរ​ទស្សនកិច្ច​ទៅកាន់​មជ្ឈមណ្ឌល​ត្រួតពិនិត្យ​ និង​ការពារ​ជំងឺ​នៅ​អាត្លង់តា។ កាល​ពី​ថ្ងៃ​អង្គារ​ កាសែត​ Wall Street Journal​ បាន​រាយការណ៍​ថា​ "លោក​អូបាម៉ា​ក៏​ត្រូវ​បាន​គេ​រំពឹង​ថា​នឹង​ជំរុញ​ឲ្យ​សភា​អនុម័ត​សំណើ​ដែល​លោក​បាន​ដាក់​កាល​ពី​ចុង​សប្ដាហ៍​​សម្រាប់​ប្រាក់​បន្ថែម​ចំនួន​ ៨៨​ លាន​ដុល្លារ​តាម​សំណើ​របស់​គាត់"។

៩.ព្យុះ​ Odile ​បាន​បោកបក់​តំបន់​  Baja ​ភាគ​ខាងត្បូង​រដ្ឋ​កាលីហ្វញ៉ា​កាល​ពី​យប់​ថ្ងៃអាទិត្យ។ "ការ​ព្យាករ​ពី​ការ​កើន​ឡើង​ថា​ព្យុះ​នេះ​បាន​នាំ​មក​ជាមួយ​រលក​ធំ​ៗ​ ក៏​ដូចជា​មាន​ភ្លៀង​ធ្លាក់​ ទឹកជំនន់ ​ដែល​បង្ក​ឲ្យ​មាន​ការ​បាក់​ដី​រួមគ្នា​ផង​ដែរៗ។ នេះ​ជា​សេចក្ដីរាយការណ៍​ Los Angeles Times ។

ប្រែ​សម្រួល៖ទ្រី រ៉ាវី ប្រភព៖ businessinsider