ពិការដៃសងខាង តែអាចប្រលងបាក់ឌុបបានពិន្ទុខ្ពស់ដោយប្រើជើងសរសេរ

2015-06-24 20:53:27
ចំនួនមតិ 0 | ចំនួនចែករំលែក 0

ចន្លោះមិនឃើញ

សិស្សពិការដៃទាំងសងខាង មកពីខេត្ត Sichuan ប្រទេសចិន បានប្រលងបាក់ឌុបជាប់ជាស្ថាពរក្នុងកម្រិតពិន្ទុខ្ពស់។

ទោះបីប្រើតែជើងកាន់ប៊ិចសរសេរ ក៏យុវជនឈ្មោះ Peng Chao បានប្រលងជាប់ក្នុងកម្រិតពិន្ទុ៦០៣លើពិន្ទុសរុប៧៥០ ជាកម្រិតពិន្ទុខ្ពស់មួយ ដែលរូបគេអាចដាក់ចូលរៀននៅសាកលវិទ្យាល័យល្បីៗទូទាំងប្រទេសចិនបាន។ នេះមានន័យថាក្ដីស្រមៃរបស់សិស្សពិការដៃរូបនេះដែលចង់ទៅរៀននៅសាកលវិទ្យាល័យZhejiang នឹងក្លាយជាការពិត។

Peng ចង់រៀនផ្នែកវិស្វករសំណង់ស៊ីវិល ប៉ុន្តែរូបគេនៅតែបារម្ភពីការសិក្សានៅថ្នាក់ឧត្ដមសិក្សា ដោយសារតែភាពពិការរបស់ខ្លួន។

យុវជន Peng បានពិការដៃទាំងសងខាងតាំងពីអាយុ៦ឆ្នាំ គឺនៅពេលគេជួបគ្រោះថ្នាក់ឆក់ខ្សែភ្លើងដែលធ្វើឲ្យដៃទាំងពីរពិការ។ ចាប់តាំងពីពេលនោះមក Peng បានចាប់ផ្ដើមស៊ាំទៅនឹងការប្រើជើងជំនួសដៃ ទាំងការញ៉ាំ ស្លៀកពាក់ និងការសិក្សា៕