វះកាត់២៣ដងដើម្បីក្លាយជា Super Man ឥលូវដល់ដំណាក់កាល ...
- 2015-06-30 16:42:40
- ចំនួនមតិ 0 | ចំនួនចែករំលែក 0
វះកាត់២៣ដងដើម្បីក្លាយជា Super Man ឥលូវដល់ដំណាក់កាល ...
ចន្លោះមិនឃើញ
បុរសម្នាក់ដែលបានវះកាត់កែសម្ផស្ស ២៣ដង ដើម្បីឲ្យមើលទៅដូច Superman ត្រូវបានគ្រូពេទ្យបដិសេធ មិនទទួលវះកាត់បន្ត ក្រោយរកឃើញថាគេបានចាក់សារធាតុពុលដើម្បីបំពេញសាច់ដុំពោះ។
Herbert Chavez មកពីទីក្រុង Calamba ប្រទេសហ្វីលីពីន ធ្លាប់បានវះកាត់ជាច្រើនកន្លែងក្នុងរយៈពេល ១៨ឆ្នាំចុងក្រោយនេះ ដូចជាកែច្រមុះ ធ្វើឲ្យស្បែកស កែបបូរមាត់ កែថ្គាម និងចាក់សារធាតុបំពេញកន្លែងផ្សេងៗដើម្បីឲ្យមើលទៅដូចតួ Superman Clark Kent។ បុរសវ័យ ៣៧ឆ្នាំរូបនេះ ក៏បានពាក់ Lens ដើម្បីឲ្យភ្នែកមានពណ៌ខៀវដែរ។
បើតាមសារព័ត៌មាន Dailymail បុរសរូបនេះ បានចំណាយប្រាក់ជាង ១៩០០០ដុល្លារ សម្រាប់ការវះកាត់ទាំងអស់នេះ។ ឥលូវនេះ លោក Chavez ចង់ឲ្យគ្រូពេទ្យវះកាត់ក្បាលពោះគេដើម្បីឲ្យរឹងមាំដូច ក្បាលពោះ Superman ប៉ុន្តែក្រុមគ្រូពេទ្យបានបដិសេធបន្ទាប់ពីរកឃើញថា Chavez បានចាក់សារធាតុ MesoLipo ដែលជាសារធាតុខុសច្បាប់នៅអាមេរិក។ សារធាតុនេះបានធ្វើឲ្យខ្លួនរបស់គេមានស្នាម និងដុំពកស្ទើរគ្រប់កន្លែងលើរាងកាយ។
គ្រូពេទ្យបានព្រមាន Chavez ថា ការវះកាត់របស់គេអាចប្រឈមមុខនឹងគ្រោះថ្នាក់កាន់តែខ្ពស់ទៅថ្ងៃមុខ។ វេជ្ជបណ្ឌិត Dubrow បានផ្ដល់យោបល់ថា គេគួរតែទៅហាត់ប្រាណ និងញ៉ាំអាហារឲ្យបានត្រឹមត្រូវ បើសិនជាចង់បានសាច់ដុំពោះ។
ទោះយ៉ាងណា Chavez បានសម្ដែងការខកចិត្តដែលគ្រូពេទ្យមិនទទួលវះកាត់គេបន្ត។ អំពីការវះកាត់កន្លងមក បុរសរូបនេះបានថ្លែងថា "ខ្ញុំពិតជាគ្មានការស្ដាយក្រោយអ្វីទាំងអស់។ តើខ្ញុំត្រូវសោកស្ដាយធ្វើអី? ខ្ញុំមានគំនិតវិជ្ជមានជានិច្ចចំពោះអ្វីដែលបានកើតឡើងក្នុងជីវិតរបស់ខ្ញុំ។ បើខ្ញុំអាចបន្ត ខ្ញុំនឹងបន្ត តែបើគ្រូពេទ្យនិយាយថាខ្ញុំបន្តទៀតលែងបានហើយ អីចឹងខ្ញុំនឹងឈប់" ៕
ចុចអាន៖ក្មេងស្រីរុក្ខជាតិដឹងខ្លួនវិញបន្ទាប់ពីឮបទ “Gangnam Style”
ចុចអាន៖ម៉ូដែលបងប្អូនភ្លោះ៣ សង្ហាទាំង៣ ល្បីទាំងនៅអាស៊ី និងហូលីវូដ
ប្រែសម្រួល៖ វ៉ាន់ថន ប្រភព៖ dailymail