ព្រឹត្តិការណ៍អន្តរជាតិសំខាន់ៗអ្វីខ្លះកើតឡើងសប្ដាហ៍មុន?

2014-10-13 16:40:01
ចំនួនមតិ 0 | ចំនួនចែករំលែក 0

ចន្លោះមិនឃើញ

ពិភពលោកបច្ចុប្បន្នកំពុងមានបញ្ហាជាច្រើនកើតឡើងចាក់ស្រែះយ៉ាងជ្រៅ ដែលធ្វើឲ្យប្រទេសនានាកំពុងតាមដានយ៉ាងយកចិត្តទុកដាក់។ ខាងក្រោមនេះគឺជាព្រឹត្តិការណ៍អន្តរជាតិសំខាន់ៗ ដែលកើតឡើងក្នុងសប្ដាហ៍កន្លងទៅ៖

១. ចិនក្លាយជាមហាអំណាចសេដ្ឋកិច្ចលេខ១ លើលោក

(០៩ តុលា ២០១៤) អង្គការមូលនិធិរូបិយវត្ថុអន្តរជាតិ (IMF) បានបញ្ចេញទិន្នន័យចុងក្រោយ បង្ហាញថាយក្សកុម្មុយនិស្តអាស៊ីចិនបានផ្ដួលអាមេរិកក្លាយជាមហាអំណាចសេដ្ឋកិច្ចពិភពលោក ក្រោយពីសហរដ្ឋអាមេរិកកាន់កាប់តំណែងកំពូលនេះអស់រយៈពេល ១៤២ឆ្នាំមក។ ទំហំសេដ្ឋកិច្ចចិនបានកើនឡើងដល់ ១៧៦១០ពាន់លានដុល្លារ លើសទំហំសេដ្ឋកិច្ចអាមេរិកដែលមានត្រឹម ១៧៤០០ពាន់លានដុល្លារ។ (ចុចអានលម្អិត)

២. វិបត្តិអេបូឡា

(១២ តុលា ២០១៤) អេបូឡាបានឆក់យកជីវិតជនជាតិអាមេរិកទីមួយ ចំណែកឯនៅអឺរ៉ុបវិញកំពុងមានភាពវឹកវរដោយសារវត្តមានមេរោគកំណាចនេះក្នុងប្រទេសអេស្ប៉ាញ។ ទិន្នន័យចុងក្រោយបំផុតរបស់អង្គការសុខភាពពិភពលោក(WHO) កាលពីចុងសប្ដាហ៍បានបង្ហាញថា ជនរងគ្រោះដែលស្លាប់ដោយអេបូឡាកើនឡើងដល់ ៤០៣៣នាក់ ឯអ្នកឆ្លងមេរោគកំណាចនេះមានចំនួន ៨៣៩៩នាក់។ (ចុចអានលម្អិត)

៣. ការបាត់ខ្លួនមេដឹកនាំវ័យក្មេងរបស់កូរ៉េខាងជើង 

មេដឹកនាំវ័យក្មេងរបស់កូរ៉េខាងជើង គីម ជុងអ៊ុន

(១០ តុលា ២០១៤) មេដឹកនាំវ័យក្មេងរបស់កូរ៉េខាងជើង គីម ជុងអ៊ុន បានបាត់ខ្លួនយ៉ាងអាថ៌កំបាំង សូម្បីខួបលើកទី ៦៩នៃកំណើតគណបក្សពលករកូរ៉េខាងជើង ដែលជាព្រឹត្តិការណ៍សំខាន់បំផុតប្រចាំប្រទេសក៏ពុំមានវត្តមានលោកដែរ។ រហូតមកដល់ពេលនេះមិនមានបណ្ដាញសារព័ត៌មានណាអាចប្រមាញ់បានពីដំណឹងរបស់មេដឹកនាំវ័យ ៣១ឆ្នាំនេះទេ។ ការបាត់ខ្លួនដោយមិនដឹងមូលហេតុនេះ នាំឲ្យមានការសន្និដ្ឋានផ្សេងៗគ្នាថា លោក គីម ជុងអ៊ុន អាចឈឺធ្ងន់កំពុងសម្រាកនៅមន្ទីរពេទ្យណាមួយ ឬអាចត្រូវគេធ្វើរដ្ឋប្រហារទម្លាក់ពីតំណែង។ (ប្រភពៈ CNN)

៤. មហាបាតុកម្មនៅហុងកុង

(១០ ១០ ២០១៤) បន្ទាប់ពីគម្រោងចរចាជាមួយរដ្ឋាភិបាលចិនបរាជ័យ មេដឹកនាំក្រុមបាតុករហុងកុងដែលគាំទ្រប្រជាធិបតេយ្យ បានអំពាវនាវហៅសមាជិកទាំងអស់ឲ្យចូលរួមធ្វើមហាបាតុកម្មសាជាថ្មី។ ការប្រមូលផ្ដុំគ្នាម្ដងទៀតកាលពីយប់ថ្ងៃសុក្រ បានទាក់ទាញក្រុមបាតុករប្រមាណ ១៥០០០នាក់ឲ្យចូលរួមតវ៉ាប្រឆាំងនឹងការលូកដៃពីសំណាក់មហាបក្សកុម្មុយនិស្តចិន ក្នុងការជ្រើសរើសមេដឹកនាំហុងកុងឆ្នាំ ២០១៧ខាងមុខ។ (ចុចអានលម្អិត)

៥. វិបត្តិពួករដ្ឋឥស្លាមជ្រុលនិយមនៅស៊ីរី

ការប្រយុទ្ធគា្ននៅជិតទីក្រុង Kobane ប្រទេសស៊ីរី

(១២ ១០ ២០១៤) កាលពីថ្ងៃអាទិត្យម្សិលមិញ រដ្ឋមន្ត្រីការពារជាតិនៃសហរដ្ឋអាមេរិកបានឲ្យដឹងថា ទីក្រុង Kobane ភាគខាងជើងស៊ីរី កំពុងជួបគ្រោះថ្នាក់ខ្លាំង ដោយសារកងទ័ពរដ្ឋឥស្លាមកំពុងវាយសន្ធាប់ដណ្ដើមយកទីតាំង។ ជីវិតមនុស្សប្រមាណជាង ៥០០នាក់ បានបាត់បង់ក្នុងការវាយប្រយុទ្ធគ្នាមួយខែចុងក្រោយនេះ។ (ប្រភព៖ BBC )

៦. ម្ចាស់ជំនួយអន្តរជាតិបរិច្ចាគប្រាក់ ៥,៤ ពាន់លានដុល្លារជួយ Gaza

(១២ ១០ ២០១៤) កាលពីថ្ងៃអាទិត្យម្សិលមិញនេះដែរ ម្ចាស់ជំនួយអន្តរជាតិបានរួមគ្នាបរិច្ចាគប្រាក់ ៥,៤ពាន់លានដុល្លារជួយស្ថាបនាតំបន់ Gaza Strip ឡើងវិញ បន្ទាប់ពីរងគ្រោះដោយការប៉ះទង្គិចគ្នារវាងកងជីវពលហាម៉ាស និងអ៊ីស្រាអែលបានបញ្ចប់។ ប្រទេសកាតារនាំមុខគេ ដោយសន្យាផ្ដល់ជំនួយ ១ពាន់លានដុល្លារ ឯសហរដ្ឋអាមេរិក២១២លានដុល្លារ និងសហគមន៍អឺរ៉ុប ៥៦៩លានដុល្លារ បូករួមនឹងប្រទេសមួយចំនួនទៀត៕ (ប្រភព៖ channelnewsasia)

ចិនវ៉ាដាច់អាមេរិកក្លាយជាមហាអំណាចសេដ្ឋកិច្ចធំជាងគេលើលោក៖ ចុចអាន

ជនជាតិអាមេរិកទី១បានស្លាប់ដោយអេបូឡា ខណៈអេស្ប៉ាញកំពុងវឹកវរ៖ ចុចអាន

ដោយ៖ គង់ វិសាល

ពាក្យទាក់ទង

ព័ត៌មានសង្គមអន្តរជាតិ

អត្ថបទពេញនិយម

គម្រោងស្ពានផ្សារចាស់-ជ្រោយចង្វារ-អរិយក្សត្រ កំពុងស្ថិតក្នុងដំណាក់កាលណាហើយ?

អ្នកជំនាញ កំពុងសាកល្បងផ្គុំថ្មទៅតាមលំនាំដើម នៅប្រាសាទជម

គម្រោងប្រព័ន្ធធារាសាស្រ្តថ្មី២នេះ នឹងបម្រើដល់វិស័យកសិកម្មក្នុងខេត្តកំពង់ធំ យ៉ាងធំធេង

Toyota ចាយលុយដល់ ១,៤ពាន់លានដុល្លារ ដើម្បីផលិតរថយន្តអគ្គិសនីកៅអី ៣ជួរ

ត្រឹម៥ខែប៉ុណ្ណោះ! បដិមាបុរាណខ្មែរជាច្រើន ត្រូវបានជីកកំណាយរកឃើញ និងវិលត្រឡប់ពីបរទេស

រវល់ជាមួយការងារប៉ុណ្ណាក៏ដោយ Taylor ឆ្លៀតពេលសាកថ្មជីវិតជាមួយមិត្តប្រុសយ៉ាងផ្អែមល្ហែម

អត្ថបទថ្មី

ដំណើរចេញពីបេះដូង៖ មិត្តហ្វូន និងកាកបាទក្រហមកម្ពុជា

ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា ចុះទស្សនកិច្ចនៅរោងចក្រកែច្នៃផលិតផលអាហារ និងបំលែងសាច់មាន់ក្រុមហ៊ុន ស៊ី.ភី. ខេមបូឌា

BYD ចេញឡានភីកអាប់ Hybrid ថ្មី សាកភ្លើងក៏បាន ហើយមានការ៉ាអូខេទៀត

Ronaldo បានក្លាយជាអត្តពលិករកលុយច្រើនជាងគេលើលោកនៅឆ្នាំ២០២៤

Xavi អាចនឹងត្រូវបានបញ្ចប់ពីតំណែង

Juventus នឹងបណ្ដេញ Allegri ក្នុងពេលឆាប់ៗ ខណៈជិតចរចាយកបានគ្រូបង្គោលថ្មី