UN ថាពិភពលោកនឹងអស់ជំងឺអេដស៍នៅឆ្នាំ២០៣០
- 2015-07-15 16:15:16
- ចំនួនមតិ 0 | ចំនួនចែករំលែក 0
UN ថាពិភពលោកនឹងអស់ជំងឺអេដស៍នៅឆ្នាំ២០៣០
ចន្លោះមិនឃើញ
"ពិភពលោកនឹងលុបបំបាត់ជំងឺអេដស៍អស់នៅឆ្នាំ២០៣០"។ នេះជាការថ្លែងរបស់លោក បាន គីម៉ូន អគ្គលេខាធិការអង្គការសហប្រជាជាតិ នាសន្និសីទហិរញ្ញវត្ថុក្នុងប្រទេសអេត្យូពី កាលពីថ្ងៃអង្គារម្សិលមិញនេះ។
យោងតាមសេចក្ដីថ្លែងការរបស់លោក បាន គីម៉ូន បានឲ្យដឹងថា គោលដៅអភិវឌ្ឍសហស្សវត្សរបស់អង្គការសហប្រជាជាតិ គឺលុបបំបាត់ការបន្តរីករាលដាលនៃជំងឺអេដស៍។ នៅឆ្នាំ២០៣០ UNAIDS នឹងបញ្ចប់ការរីករាលដាលនៃជំងឺសង្គមមួយនេះទាំងស្រុង តាមរយៈផ្ដល់ជាសេវាការពារ ព្យាបាល និងគាំទ្រ។
ដោយឡែកតាមរបាយការណ៍របស់អង្គការសហប្រជាជាតិ សមិទ្ធផលដែលសម្រេចបានគួរឲ្យកត់សម្គាល់នោះគឺ បានកាត់បន្ថយបានការចម្លងមេរោគអេដស៍ពីម្ដាយទៅកូនបាន៥៨ភាគរយ គិតចាប់ពីឆ្នាំ២០០១ដល់ឆ្នាំ២០១៤។ អត្រាអ្នកស្លាប់ដោយជំងឺអេដស៍បានថយចុះជាង៤០ភាគរយ ហើយការឆ្លងមេរោគហ៊ីវថ្មីគឺធ្លាក់ចុះ៣៥ភាគរយ ពោលគឺនៅសល់ចំនួន២លាននាក់ក្នុងមួយឆ្នាំត្រឹមឆ្នាំ២០១៤។
បច្ចុប្បន្នមានអ្នកកើតជំងឺអេដស៍ចំនួន១៥លាននាក់ដែលកំពុងទទួលថ្នាំពន្យារជីវិត កើនឡើងខ្លាំងបើធៀបទៅឆ្នាំ២០០០ ដែលមានតែ៧០ម៉ឺននាក់។ យ៉ាងណាក្ដី ក៏មានការព្រមានផងដែរថាជាងពាក់កណ្ដាលនៃអ្នកកើតជំងឺអេដស៍៣៧លាននាក់ មិនបានទទួលថ្នាំពន្យារជីវិតនោះទេ៕
ចុចអាន៖ ប្រជាជនចិននាំគ្នាផ្ដិតមេដៃ ដេញក្មេងកើតអេដស៍ចេញពីភូមិ
ប្រែសម្រួល៖ មាន រតនា ប្រភព៖dailymail