ក្រុមបុរសសាច់ដុំ៦កង់ នាំគ្នាដើរតាមផ្លូវនៅវៀតណាម
- 2015-07-20 23:01:14
- ចំនួនមតិ 0 | ចំនួនចែករំលែក 0
ក្រុមបុរសសាច់ដុំ៦កង់ នាំគ្នាដើរតាមផ្លូវនៅវៀតណាម
ចន្លោះមិនឃើញ
កាលពីរសៀលថ្ងៃអាទិត្យម្សិលមិញ ក្រុមបុរសសាច់ដុំ ៦កង់ប្រមាណពី ១៥ ទៅ ២០នាក់ បាននាំគ្នាដោះអាវដើរតាមផ្លូវ Nguyen Hue ដើម្បីទាក់ទាញមនុស្សឲ្យងាកមកចាប់អារម្មណ៍ការហាត់ប្រាណកាន់តែច្រើន។
ក្រុមបុរសវ័យក្មេងទាំងនោះ បានកាន់ពាក្យស្លោកមួយដែលសរសេរថា “Your Body Reflects Your Lifestyle” ដែលមានន័យថា “រាងកាយរបស់អ្នក ឆ្លុះបញ្ចាំងពីរបៀបរស់នៅ"។ ការដើរកាច់រាងបង្អួតរាងកាយតាមផ្លូវនេះ បានទាក់ទាញចំណាប់អារម្មណ៍មនុស្សជាច្រើនឲ្យឈរមើល និងដកទូរសព្ទចេញមកផ្ដិតសកម្មភាព។
សកម្មភាពនេះធ្វើឡើងក្នុងគោលបំណងទាក់ទាញមនុស្សជាច្រើនទៀត ឲ្យចូលរួមហាត់ប្រាណទៀងទាត់ ដើម្បីទទួលបានសុខភាពល្អ និងរាងកាយស្អាត។ ក្រៅពីដើរនៅតាមផ្លូវ ក្រុមបុរសសាច់ដុំទាំងនោះ ក៏បាននាំគ្នាហាត់ប្រាណបង្ហាញសាធារណជនផងដែរ៕
ចុចអាន៖ អ្នកលក់ទុរេនសាច់ដុំ ៦កង់ ធ្វើឲ្យនារីជាច្រើនប៉ងទៅទិញ
ប្រែសម្រួល៖ គង់ វិសាល ប្រភព៖ yeah1