បន្ទាយឆ្មារ ស្ថិតក្នុងចំណោមរតនសម្បត្តិពិភពលោកទាំង៥ដែលគេមើលរំលង

2014-09-17 15:56:11
ចំនួនមតិ 0 | ចំនួនចែករំលែក 0

ចន្លោះមិនឃើញ

មានទីតាំងអស្ចារ្យជាច្រើនដែលត្រូវគេទទួលស្គាល់ និងចាត់ចូលជាបេតិកភណ្ឌពិភពលោក។ ទន្ទឹមនឹងនោះដែរ ក៏មានរតនសម្បត្តិពិភពលោកចំនួន ៥ ត្រូវបានគេមើលរំលង ដែលក្នុងនោះក៏មានប្រាសាទបន្ទាយឆ្មារ របស់កម្ពុជាផងដែរ។ នេះបើយោងតាមការចុះផ្សាយរបស់ CNN។

ទីក្រុងបុរាណ Pingyao ប្រទេសចិន

Pingyao ជាទីក្រុងបុរាណរបស់ចិនតាំងពីរជ្ជកាល Ming និង Qing (ឆ្នាំ១៣៦៨ ដល់១៩១១)។ អគារជិត៤០០ក្នុងចំណោមសំណង់អគារ៤០០០កាលពីសម័យនោះ នៅតែឈរជើងនៅឡើយនៅសម័យនេះ។

ចុចអាន៖ ឆ្នេរសមុទ្រដ៏ល្បីល្បាញរបស់ខ្មែរ បង្អួតខ្លួនយ៉ាងត្រដែតនៅចិន

តំបន់បុរាណ Chavin de Huantar ប្រទេសប៉េរូ

តំបន់ទេសចរដ៏ល្បីនៅប៉េរូ គឺ Machu Picchu ដោយសារតែវាជាទីក្រុងបុរាណដ៏ស្រស់ស្អាតមួយ ប៉ុន្តែធាតុពិតប្រទេសនេះនៅមានទីតាំងដ៏អស្ចារ្យមួយទៀត គឺ Chavin de Huantar។ តំបន់បុរាណដែលគេមិនសូវបានឮនេះ មានអាយុកាលរាប់ពាន់ឆ្នាំមកហើយ ពោលគឺតាំងពីឆ្នាំ១៥០០មុនគ្រិស្តសករាជ ដល់ឆ្នាំ៤០០មុនគ្រិស្តសករាជ។ តំបន់នេះស្ថិតនៅចម្ងាយប្រហែល ២៥០គីឡូម៉ែត្រពីទីក្រុង Lima។

ចុចអាន៖ ៥ឆ្នេរស្អាតដាច់គេនៅកម្ពុជាណែនាំទៅពិភពលោកដោយ CNN

តំបន់បុរេប្រវត្តិ Catalhoyuk ប្រទេសទួរគី

Catalhoyuk គឺជាតំបន់បុរេប្រវត្តិមួយដ៏អស្ចារ្យ ដែលមិនត្រូវបានគេចាប់អារម្មណ៍នៅសម័យនេះ។ វាជាតំបន់ដែលបង្ហាញពីអរិយធម៌ដ៏ចំណាស់ តាំងពី១ម៉ឺនឆ្នាំមុន ហើយក៏ជាទីតាំងដែលគេចាត់ទុកថាជាដើមកំណើតនៃមនុស្សដែលរស់នៅមជ្ឈិមបូព៌ានាសម័យបច្ចុប្បន្នផងដែរ។

ចុចអាន៖ យន្តហោះធំៗធ្លាក់ក្នុងស្រុកខ្មែរមិនអាចបំភ្លេចបាន!

ទីក្រុងបុរាណ Hampi ប្រទេសឥណ្ឌា

Hampi ជាទីក្រុងបុរាណមួយស្ថិតនៅភាគខាងត្បូងប្រទេសឥណ្ឌា។ វាជារាជធានីចុងក្រោយនៃព្រះរាជាណាចក្រហិណ្ឌូ Vijayanagar។ នៅក្នុងទីក្រុងបុរាណនេះ នៅមានប្រាសាទមួយចំនួន ដែលមិនទាន់បាត់រូបរាងនៅឡើយ ដូចជាប្រាសាទ Krishna និងប្រាសាទ Chandramauleshwar ជាដើម។

ចុចអាន៖ នេតយ៉ង់ វិទ្យាល័យដ៏ចំណាស់នៃក្រុងបាត់ដំបង

ប្រាសាទបុរាណ បន្ទាយឆ្មារ ប្រទេសកម្ពុជា

បន្ទាយឆ្មារ ជាប្រាសាទបុរាណដែលស្ថិតនៅក្នុងខេត្តបន្ទាយមានជ័យ ភាគខាងពាយព្យ ប្រទេសកម្ពុជា។ ប្រាសាទនេះ ត្រូវបានកសាងឡើងក្នុងរជ្ជកាលព្រះបាទជ័យវរ្ម័នទី៧ ចាប់ពីគ្រិស្តសករាជ ១១៨១ ដល់១២១៩។ លោក Tony Wheeler ដែលជាសហស្ថាបនិករបស់ Lonely Planet បានបញ្ជាក់ថាប្រាសាទនេះជាតំបន់ដ៏អស្ចារ្យមួយដែលធ្វើឲ្យទេសចរលាន់មាត់ថា "Wow!” ពេលបានឃើញ។ ការដែល CNN បានចាត់ថ្នាក់ប្រាសាទនេះជារតនសម្បតិ្តពិភពលោកដែលត្រូវបានគេមើលរំលង គឺដោយសារតែភាពអស្ចារ្យរបស់ប្រាសាទនេះមិនត្រូវបានគេដឹងទូលំទូលាយនៅទូទាំងពិភពលោកដូចតំបន់បេតិកភណ្ឌពិភពលោកផ្សេងទៀតនោះទេ។

ចុចអាន៖ អ្នកមគ្គុទ្ទេសក៍តូចៗរំលេចឆោមសម្រស់លើដែនសម្បត្តិវប្បធម៌ដូនតា

ដោយ៖ សុខ សុវត្ថិ ប្រភព៖ CNN